Boorama(Xogsoornews.com):- Madaxweyne ku xigeenka Somalilad Mudane Cabdiraxmaan Cabdilaahi Ismaaciil oo socdaal shaqo ku jooga xarunta gobolka Awdal ee Boorama,ayaa xadhiga ka jaray masjid iyo Jaamacad isku lammaan oo shan dabaq ka kooban oo dhismihiisu moddo ka socday Magaalada Boorama.
Masjidka Harawo oo ka mid ah masaajidii ugu horraysay ee ee Boorama laga dhisay xilligii mustacmarka Ingiriiska ay ahayd ayaa maraaxil kala duwan iyo is bedello badan soo maray ugu dambayn dhismahan casriga ah ee ka kooban shanta dabaq oo socday muddo saddex sano ah shalay Madaxweyne ku xigeenku xadhiga ka jaray.
Munaasibad ballaadhan oo dhismaha Masjidka xadhiga lagaga jarayay ayay ka soo qayb galeen Madaxweyne ku xigeenka Somaliland Mudane Cabdiraxmaan Cabdilaahi Ismaaciil Saylici Wasiirka diinta iyo Awqaafta Somaliland Sheekh Cabdirisaag Xuseen Cali Albaani,guddoomiyaha gobolka Awdal Maxamed Axmed Caalin Tiimbaro,Maayerka degmada Boorama Maxamed Axmed Warsame, sheekhal beledka Boorama Sheekh Cabdilaahi Sheekh Cali Jawhar, culimo awdiin,madaxdhaqameed iyo dadweyne tiro badan.
Madaxweyne ku xigeenka Somaliland oo si rasmi ah u furay Masjidka Harawo ee Boorama,ayaa ku ammaanay bulshada gobolka Awdal iyo ta degmada Boorama in ay iskaashi iyo wax isku darsi ku dhiseen Masjidka isla markaana ay galiyeen adduun milyan Dollar ka badan,waxaanu ALLE uga baryay cid kasta oo wax ku darsatay in uu misaanka xasanaadka ugu daro.
Waxaanu Madaxweyne Ku xigeenka Somaliland tilmaamay in dhismaha Masaajiidda Boomara in uu qayn wayn ka soo qaatay isla markaana Masaajido badan in uu tabaruc ku soo dhisay oo uu ka mid ahaa Masjidka Harawo xilli dib u dhis ka horreeyay ka shalay dhammaystirkiisa goob joogga uu ka ahaa.
Wasiirka diinta ayaa tilmaamay muhiimadda ay dhismeyaasha masaajiiddu u leeyihiin umadda Islaamka ah waxaanu ku booriyay bulshada Boorama in Masjidka Cibaado lagu camiro.
Sheekhal beledla Boorama ayaa ka sheekeeyay maxilkii kala dambeeyay ee Masjidku soo maray iyo inta goor ee marba dib loo dhisay illaa 1920-kii.
Dhismaha Masjidka oo socday muddo sadex sano ah ayay ku baxday lacag dhan hal Milyan iyo laba boqol oo kun oo Dollar.
Waxaanu ka kooban yahay shan dabaq oo dabaqa ugu sarreeyaa uu yahay Jaamacad Islaami ah
Hargeisa Ofice