Hargeysa(Xogsoornews.com):- ALLE ha u naxariistee waxaa goor dhawayd ku geeriyooday magaalada Hargeysa Marxuum Mujaahid Xasan Guure Jaamac Guddoomiyihii Madasha wada tashiga iyo toosinta qaranka.
Marxuum Mujaahid Xasan Guure Jaamac oo dhawrkii maalmood ee u dambeeyay ku xannuunsanayay Hargeysa ayaa sallaaddii subax ee saaka waxyar ka hor geeriyooday.
ALLE ha u naxariistee Marxuum Mujaahid Xasan Guure Jaamac,ayaa ka mid ahaa halgemeyaashii u soo halgamay xorriyadda Somaliland ee SNM.
Waxaanu ka soo qayb qaatay dib u dhiskii iyo wlaalayntii beelaha Somaliland isagoo u huray naftiisa in uu marna dib u xorrayntii dalka usoo halgamo markii dambe ee dalka db u dhiskiisu socdayna wuxuu ka ahaa tiir dhexaad u taagan in markasta dadka la isku soo dhaweeyo oo meesha laga saaro waxkasta oo nabadgelyada qaranka waxyeelayn kara.
ugu dambayn na waxaa uu ka mid ahaa siyaasiyiin uu hormuud u yahay oo aasaasay Madasha Wada Tashiga iyo Toosinta Qaranka isagoo marar badan gacan ka geystay xallinta khilaafyo siyaasi ah oo ka dhex curtay asxaabta mucaaridka iyo xukuumadihii kala dambeeyay.
ALLE ha u naxariisto Marxuum Mujaahid Xasan Guure Jaamac.
Xogsoornews.com
Hargeisa Somaliland