Hargaysa (XogsoorMedia.net) Xildhibaano ka tirsan Baarlamaanka Somaliland iyo siyaasiyiin ka soo jeeda Gobolka Sool, ayaa kulan ay maanta ku yeesheen magaalada Hargeysa isla-markaana Warbaahinta kula hadlay waxay ku sheegeen inay raali-gelin ka bixinayaan hadallo ka dhan ah Qaranimada Somaliland oo Xildhibaan Maxamed Axmed Dhakool oo ka tirsan GolahaWakiillada Somaliland hore uga soo yeedhay, kaas oo Ciidamada amaanku ay xabsiga u taxaabeen.
Xildhibaan Siciid Maxamed Cilmi ayaa sheegay inay isku afgarteen sidii ay raali-gelin uga bixin lahaayeen hadalladii ka soo yeedhay Xildhibaan Dhakool, waxaanu yidhi “Muhiimadu waxay tahay dadweynaha reer Somaliland inaanu ka raali-gelino, kelmadaa ka soo yeedhay (Xildhibaan Dhakaloo) raali-gelintaana waanu isku ognahay. Bil Ramadaan baynu ka soo baxnay Odaygaana (Xildhibaan Dhakaloo), wixii ku saabsan arrinkiisana waanu iska arki-doonaa Xukuumadda.” Ayuu yidhi Xildhibaan Siciid Maxamed Cilmi.
HALKAN KA DAAWO FAAH-FAAHINTA WARKAN.
Xogsoor Media.Net