Hargaysa(Xogsoormedia.net)Xisbiga Kulmiya ayaa beeniyay in ay ku kala ka ceen wadahadaladii u socday xisbiyada UCID iyo Waddani ee lagaga wada hadlayay qabsoomida doorashada Golaha Wakiilada.
Guddoomiye ku xigeenka 2aad ee xisbiga Kulmiye Axmed Cabdi Cabdidheere oo shalay warbaahinta la hadlay ayaa waxa uu sheegay in aanay waxba ka jirin qodobo ay isku afgaran waayeen xisbiyada Waddani iyo UCID beeniyay in ay waxa uu usoo jeediyay xisbiga Waddani in ay waantoobaan maalin walba mawqif yada cusub ee ay ka ka qaadanayaan qabsoomida doorashooyinka.
Axmed Cabdi dheere oo arimahaasi ka hadlayayna waxa uu yidhi“Qodabada in intoodii badnad waanu isla garanay afar qodob ayaanu ku heshiinay qodob ka mida ayaa waxa ay yidhaahdeen xisbiga Waddani waxa aanu la soo tashanaynaa guddoomiyaha xisbiga Waddani,maalintii dhawayd ee safiiradu inoo yimaadeen ayay ahayd sidaas ayaana ugu waranay safiirada waxa aan maqlayay waanu ku kala kacnay iyada oo la leeyahay waxaana ka mid ahaa qodabada aanu ku heshiinay xisbiyada Waddani iyo UCID in sannadka 2019 ka ay dhacdo doorashada Golaha Wakiilada iyo in Koomishanka Doorashooyinka ay bilaabaan diwaangalintii iyo wixii ka horeeya doorashada iyo in koomishan cusub la magacaabo.qodob kaas oo iyagu ay taagnaayeen in Juun la magacaabo Koomishanka anaguna aanu taagnan in Octoober la magacaabo Koomishanka waxaaana isla qaadanay oo guddoomiyaha xisbiga UCID noo soo jeediyay in Augost la magacaabo koomishanka Doorashooyinka,habayaraatee wax aanu ku kala kacnay iyo qodobo aanu isku qabanay majirto waxaana ugu baaqayaa xisbiga Waddani in maalin walba mawqifka cusub ee ay istaagayaan iska badalaan. doorashada waxa iska leh shacabka reer Somaliland waxaana ay u muuqataa in xisbiga Waddani aanu diyaar u ahayn in ay doorashada Golaha Wakiilada dhacdo hadii ay diyaar u yihiin in ay doorashadu qabsoonto wax kasta oo laga wadahadli karo waynu ka wadahadli karnaa,”.
Hargaysa Xogsoormedianet.