Hargeysa(Xogsoor Media.Net):- Siyaasi Maxamuud Cali Saleebaan Ramaax oo lix gobol oo ka mid ah gobolada Somaliland ka soo noqday gddoomiye Gobol,ayaa xil loo magacaabay ka dib markii uu si rasmi ah ugu dhawaaqay in uu ka baxay xisbi xaakimka Somaliland ee KULMIYE kuna biiray xisbiga UCID.
Siyaasi Ramaax ayaa loo magacaabay xoghayaha arrimaha gudaha ee Xisbiga UCID sida lagu faafiyay qoraal rasmi ah oo ka soo baxay xafiiska guddoomiyaha xisbiga UCID Eng Faysal Cali Waraabe.
Xoghaye Ramaax oo guddoomiye Gobolkaka soo noqday gobolada Saaxil,Sanaag,Sool,Awdal,Togdheer iyo Gebilay muddadii xukuumaddii Madaxweyne Axmed Siilaanyo iyo bilawgii Xukuumadda Madaxweyne Muuse oo loo magacaabay badhasaabka Gabilay oo uu muddo kooban hayay islamarkiibana uu xilka ka qaaday Madaxweyne Muuse,ayaa dorraad ku dhawaaqay in uu ka baxay xisbiga KULMIYE kuna Biiray xisbiga UCID.
Waxaana loo magacaabay xoghayaha arrimaha gudaha ee xisbiga UCID,waxaanu guddoomiye Faysal sheegay in xoghaye Ramaax uu yahay nin xisbiga wax ku soo kordhin kara waxna u tari kara islamarkaana gobolada dalka oo dhan ka soo shaqeeyay oo fahmaya.
Haddaba halkan hoose kaga bogo warqadda magacaabistiisa.
Xogsoor Media.Net
abafgaab@hotmail.com
Hargeisa Somaliland