Hargeysa(Xogsoor Media.Net):- Madaxweynaha Somaliland Muuse Biixi Cabdi,ayaa soosaaray xilka qaadis iyo magacaabis .
Madaxweyne Muuse waxaa uu maanta digreeto Madaxweyne xilkii kaga qaaday wakiilkii hore ee Somaliland u joogay dalka Maraykanka Rashiid Gaaruf, waxaa kale oo uu bedelay wakiilkii Somaliland u joogay dalka ImaaraadkaCarabta Baashe Cawil oo uu u bedelay wakiilka Somaliland u jooga dalka Kenya.
Waxaa kale oo Madaxweynuhu maareeye uu u magacaabay Haamaha kaydka shidaalka ee Berbera.
Haddaba wareegtada Madaxweyne Muuse soo saaray ayaa u dhignayd sidan.
Wareegto Madaxweyne Magacaabid
Markaan Arkay: Dastuurka Jamhuuriyadda Somaliland, Qodobka 90aad;
Markaan Arkay: Aqoontooda, Kartidooda iyo Waaya-aragnimadooda;
Markaan ku Qancay: In ay Hanan Karaan Masuuliyadda ka Dhalanaysa Xilalkan;
Markaan Sameeyey: La-tashi;
Waxaan Go’aamiyey;
In laga bilaabo taariikhda maanta aan xilalkan u magacaabo masuuliyiintan:
| Tir | Magaca | Xilka |
| 1. | Baashe Cawil Cumar | Wakiilka Somaliland ee Dalka Kenya |
| 2. | Xasan Hirad Yaasiin | Wakiilka Somaliland ee Dalka Imaaraadka Carabta |
| 3. | Bashiir Sheekh Cumar Good | Wakiilka Somaliland ee Dalka Maraykanka |
| 4. | Cabdillaahi Cabdi Cali (Dhakaar) | Ergayga Gaarka ah ee Somaliland u qaabilsan Urur Goboleedka Horumarinta iyo Xidhiidhka Bulshada Bariga Afrika (EAC) |
| 5. | Xasan Axmed Ibraahin (Embassy) | Maareeyaha Haamaha Kaydka Shidaalka Qaranka |
Waxaan uga mahadcelinayaa muddadii uu hayey xilka Qaranka Wakiilkii hore ee Somaliland u fadhiyey Dalka Maraykanka Mudane, Rashiid Maxamed Nuur (Gaaruf)
ALLAA MAHAD LEH
Muuse Biixi Cabdi
Madaxweynaha Jamhuuriyadda Somaliland
Xogsoor Media.Net
Hargeisa Somaliland