Hargeysa (Xogsoor Media.Net):- Madaxweynihii hore ee Somaliland Axmed Maxamed Maxamuud (Siillaanyo), ayaa maanta ku soo laabtay dalka,waxaana Madaarka Cigaal ee magaalada Hargeysa ku soo dhaweeyey Xubno ka tirsan Golihii Wasiirrada Xukuumaddiisii, Hoggaanka xisbiga tallada haya ee KULMIYE iyo Xildhibaano ka mid ah Baarlamaanka.
Axmed Maxamed Siilaanyo Madaxwenihii hore ee Somaliland oo warbaahinta la hadlay ayaa sharaxay socdaalkiisa dib ugu soo noqoshada dalka,waxaanu yidhi “Farax weyn bay ii tahay inaan maanta dalka ku soo laabto, anigoo safar dibadeed kumqanaa. Waanan idinka mahad-celinaya sidaad ii soo dhaweyseen oo ah sidii caadada iyo dhaqanka inoo ahayd, ALLE-na waxaan ka baryayaa inuu caafimaad ina wada siiyo oo dalkeena iyo dadkeenan meel wanaagsan mariyo.” Ayuu yidhi Axmed Maxamed Siilaanyo Madaxweynihii hore ee Somaliland.
Sidoo kale xubno ka mid ah Golihii Wasiirrada Xukuumaddiisii iyo Guddoomiye ku labaad ee xisbiga tallada haya ee KULMIYE Axmed Cabdi Dheere ayaa dhinacooda sheegay inay dalka ku soo dhaweynayaan Madaxweynihii hore ee Somaliland Axmed Maxamed Siilaanyo.
Halkana ka daawo warkan oo faah-faahsan.
Xogsoor Media.Net
abafgaab@hotmail.com
Hargeisa Somaliland