Hargeysa(Xogsoor Media.Net):- Madaxweynaha Somaliland Muuse Biixi Cabdi,ayaa socdaalkiisii ugu horreeyay tan iyo markii talada dalka loo dhaariyay waxaa uu maanta ugu kicitimay dalka Jabuuti oo uu martiqaad rasmi ah ka helay.
Somcdaalka Madaxweynaha oo ay ku weheliyeen wasiirro ka tirsan xukuumaddiisa iyo taliyeyaasha Ciidamada booliska Sarreeye Gaas Cabdilaahi Fadal Iimaan iyo Asluubta Sarreeye Guuto Cabdi Faarax.ayaa noqonaya socdaalkii shaqo ee ugu horreeyay ee wefti heer Madaxweyne ah oo dalka dibedda uga dhoofa intii uu Muuse Biixi Madaxwynaha noqday ee uu ku guulaystay doorashadii Madaxtooyada ee Somaliland ka qabsoontay 14, bishii 11,ee sanadkii tegay isla markaana talada loo dhaariyay maalintaa doodarashada bil ka dib.
Socdaalka weftiga Madaxweynaha Somaliland uu hoggaamiyay ee maanta ka dhoofay caasimadda Somaliland ee Hargeysa,ayaa noqonaya safar ka duwan socdaaladii ay bushada caasimadda Hargeysa uga barteen Madaxweyne yaashii ka horreeyay ee dalka soo hoggaamiyay oo ay safarkooda dhib badan kala kulmi jireen isla markaana waddooyinka ciidan tiro badan oo boolis ah la soo dhigi jiray subaxda hore.waxaa kaloo uu socdaalka ugu horreeya ee Madaxweyne Muuse uu kaga duwanaa socdaaladii Madaxweyneyaashii ka horreeyay gaadiidka ciidanka tirada badan ee dhinacyada ka gali jiray iyo inta badan golaha xukuumadda oo sii galbin jiray madaxweynaha dhoofaya.
Xogsoor Media.Net
Xogsoormedia24@gmail.com
abafgaab@hotmail.com
Hargeisa Somaliland