Hargeysa(Xogsoor Media.Net):-Abwaan Maxamed Ibraahin Warsame Hadraawi,ayaa ka hadlay xaaladdiisa caafimaad isla arkaana waxba kama jiraan ku tilmaamay warar sheegayay in uu xannuunsanayo oo uu jiifo,waxaanu intaa ku daray in uu wanaagsan yahay oo uu caafimaad qabo.
Waxaa kaloo isna warbaahinta la hdlay wiil uu adeer u yahay oo uga digay dadka wararka aan jirin ka faafinaya abwaanka oo uu sheegay in ay ka feejignaadaan waxyaabaha aan salka iyo raadka lahayn ee been abuurka ah,warbaahinta wuxuu u so jeediyay in ay iska hubsadaan wararka ay tebinayaan.
Abwaan Hadraawi iyo Cabdirisaaq Hure Walanwal oo uu adeer u yahay oo la hadlay warbaahinta ayaa sheegay inaanay waxba ka jirin wararka laysla dhex marayo ee sheegaya inuu xanuusanayo ama geeriyooday abwaan Hadraawi.
Ugu horayn Abwaaan Hadraawi oo ka hadlaya xaaladiisa caafimaad ayaa waxa uu yidhi “Waykan oo xaaladaydu way fiican tahay, waxa la sheegayana waxba kama jiraan, balana ma jirto.”
Dhinaca kale Cabdirisaaq Hurre Walanwal ayaa isaguna sheegay inaanay waxba ka jirin wararka la faafinayo ee ka dhanka ah xaalada abwaan Hadraawi waxaanu yidhi “Abwaanku wuu idiin muuqdaa inuu caafimaad qabo xaaladiisuna way fiican tahay wax dhibaato ahina ma jirto, habeen sadexaad ayaa la sii daayey war ah in xaajiga hawli ku dhacday laakiin waxba kama jiraan wax xanuun ah oo hayaana ma jiro waanu caafimaad qabaa, waxaanan dadka u sheegaynaa inaanay wax dhibaato ahi jirin oo aanu xanuun hayn.”
Cabdirisaaq Hurre Ibraahin warsame oo hadalkiisa sii wata ayaa baaq u diray dadka abwaan Hadraawi ka faafinaya wararka aan jirin waxaanu yidhi “Abwaan Maxamed Ibraahin Warsame waa aabihii dadka, waa aabihii soomaaliyeed, waa aabihii Afrika oo dhan, waanu ka magac weyn yahay soomaliland, soomaaliya iyo Afrikaba, waxaanan u sheegaynaa dadka in qofka waxyaabahan boro-bogaandhada ah baahinaya inay tahay wax qayrul sharci ah oo karaahiyada dadku ku dhacayso, qofna lama jecla in wax xumaan ah laga soo dhigo.”
Haddaba warkaas oo muuqaal ah halkan hoose ka daawo
Xogsoor Media.Net
Hargeisa Somaliland