W/wararka(Xogsoor Media.Net):-Madaxweynaha dalka Maraykanka Trump,ayaa goor dhaweyd ku dhawaaqay caasimadda dalka Israa’iin in uu u aqoonsan yahay magaalada QUDUS isla markaana wuxuu sheegay in uu Safaaradda dalka Maraykanka ee Israa’iil eek u taalla magaalada Caasimada u ah Israa’iil ee Talaabiib in uu u soo rari doono magaalada Qudus.
Trump ayaa isagoo ka hadlayey aqalka cad wuxuu si rasmi ah u aqoonsaday in magaalada muranku ka taagan yahay ee Quddus ay tahay caasimadda Israa’iil, go’aankaas oo ah mid meesha ka saaraya siyaasaddii uu Maraykanku ku socday tobanaan sano.
Wuxuu kaloo ku dhawaaqay in safaaradda Maraykanka laga rari doono magaalada Tel Aviv oo loo rari doono Quddus.
Wuxuu sheegay Mr Trump in go’aankaas aan loola jeedin in Maraykanku uu faraha ka qaaday sidii ay uga go’nayd in nabad waarta laga gaaro bariga dhexe.
Falastiiniyiinta ku nool koofurta marinka Qasa oo hadalkaas aad uga caraysan ayaa gubay sawirka Mr Trump, ka Raysal=wasaaraha Israa’iil iyo calanka Yuhuudda.
Mr Trump wuxuu sheegay in uu diyaar u yahay inuu taageero xalka labo dal oo lagu dhameeyo khilaafka muddada dheer ka dhex jiray Israa’iil iyo Falastiin.
In yar ka hor intii aanu go’aankaas ku dhawaaqin ayuu madaxweyne Trump sheegay in tallaabadan ay ahayd inay goor hore dhacdo.
Qaybta qadiimiga ah ee Qudus ayaa gidaar ku yaalla waxaa lagu shiday calanka Israa’iil ka hor intii aanu Donald Trump ku dhawaaqin go’aankiisa.
Sida uu sheegay TVga ABC waxa aad loo adkeeyey amniga qaar ka mid ah safaaradaha uu Maraykanku ku leeyahay bariga dhexe iyo dalalka Islaamka waxaana laga cabsi qabaa in dalalka carabta ay ka bilaabmaan kacdoodo lagaga soo hor jeedo aqoonsiga Trump uu ugu aqoonsaday caasimadda Israa’iil magaalada Barakaysan ee Qudus..
Salaasadii ayaa diblomaasiyiinta Maraykanka ee Israa’iil ku sugan iyo qoysaskooda waxaa lagula taliyey in aanay u socdaalin qaybta qadiimiga ah ee Quddus iyo daanta galbeed “ilaa iyo amar dambe”.
Hadalka Trump waxaa markiiba ka jawaabay Xoghayaha guud ee Qaramada Midoobay oo sheegay in Qudus ay sideedii hore ahaan doonto isla markaana aan waxba laga bedeli karin waxaanu ugu baaqay Israa’iil iyo Falastiin in ay dib ugu soo noqdaan miiskii wada hadalka.
Waxaa kale oo hore ugu hanjabay in uu dalka Israa’iil xidhiidhka dublamaasiyadeed u jari doono Madaxweynaha dalka Turkiga haddii uu Trump qaado tallaabo uu Qudus caasimadda Yuhuudda ugu aqoonsanayo.
Waxaa kaloo si adag uga hadlay madaxda dalka Jordan iyo dalal kale oo caalamka ka mid ah.
Waxaan wali ka hadal go’aanka Trump dalal badan oo islaam ah oo uu ugu horreeyaan Sucuudiga iyo Masar.
Wixii warar ka soo kordha kala soco Xogsoor Media.Net