Hargeysa(Xogsoor Media.Net):- Guud ahaan codbixinta Doorashada Madaxtooyada Somaliland,ayaa ka bilaabantay dalka Somaliland oo dhan.
Waxaanay goobaha codbixintu ay furmeen todobadii subaxnimo ee Saaka iyadoo ay dadka codkooda dhiibanayaa goor hore oo ka horraysay salaaddii Subax safafka soo galeen.
Dhinaca kale ciidanka Ammaanka ee kala duwan ayaa si weyn heegan ugu jira oo ammaanka dalka sugaya waxaana saaka subaxnimadii hore kormeer ku marayay jidadka caasimadda Harggeysa ciidamo booliis ah oo uu horkacayo taliyaha guud ee Ciidanka Booliska Somaliland Sarreeye Guuto Cabdilaahi Fadal Iimaan.
ma jiraan wax dhibaato ah oo illaa imika laga soo dheegay gobolada iyo degmooyinka ay ka socoto isla markaana ay ka bilaabantay Codbixinta doorashada Madaxtooyada Somaliland.
Waana Doorashadii Lixaad ee ee ka qabsoonta Somaliland isla markaana waa doorashadii sadexaad ee Madaxtooyada waxaana ku soo baxaya doorashadan Madaxweynihii Shanaad ee Somaliland yeelato iyo Madaxweyne ku-xigeenkii lixaad.
wixii warar ka soo kordha Doorshada Madaxtooyada Somaliland kala soco Xogsoor Media.Net