Hargeysa(Xogsoor Media.Net):- Murashaxa jagada Madaxweynaha ee Xisbiga KULMIYE Muuse Biixi Cabdi,ayaa maanta kala qayb galay taageerayaasha caasimadda Hargeysa ee Xisbiga KULMIYE maalintooda koobaad ee ololaha doorashada Madaxtooyada.
Murashax Muuse Biixi,ayaa ka hadlay dhibaatooyinka jira ee ay sababeen waxsoosaar yaraanta cuntada dalka iyo ku xidhnaanta cuntada dibedda Somaliland uga timaadda.
waxaanu hoosta ka xariiqay in Somaliland ku horumari karto oo keliya in ay wax la soo baxdo oo ay dhanka cuntada isku fillaansho ka gaadho iyo in xoolaha laga saaro reer guuraanimada oo loo guuro xoolo dhaqato deggen.
waxaa kale oo uu intaa ku daray farriimo uu u kala diray beesha caalamka iyo dawladda Soomaaliya ee Muqdisho ka talisa.
waxaa kaloo uu shacbiga Somaliland ka tacsiyeeyay geerida Xildhibaan Marxuum Xasdan Cawaale Caynaan oo ku geeriyooday magaalada Jabuuti ee dalka Jabuuti oo lagu aasay maanta Hargeysa.
Haddaba halkan ka daawo Qudbadda Musharax Muuse Biixi oo dhammaystiran
Xogsoor Media.Net
Xogsoormedia24@gmail.com
abafgaab@hotmail.cm
Hargeisa Somaliland