Laasadacawo(Xogsoor Media.Net) Afhayeenka wasaaradda Waxbarasahda iyo Tacliinta Sare Abwaan Bare Sare Cabdilaahi Ibraahin Xaaji Xasan,ayaa ka hadlay Doorashada Madaxtooyada ee dhawaan dalka qabsoomi doonta iyo sida loogu baahan yahay in dadku ay ugu dhug yeeshaan cidda dalka massiirkiisa lagu aaminayo ee ay codkooda ku dooranayaan.
Waxaa kale oo uu ka hadlay in codkoo la dhoobto oo keliya aanay ahayn masuuliyadda dadka saarani laakiin ay iswaydiintu tahay maxaa lagu kala dooranayaa murashaxinta tartanka u wada taagan.
Waxaa kale oo uu ka hadlay doorka Guddoonka waxbarasha gobolka Saaxil iyo maamulka degmada Berbera ay ka qaateen horumarinta waxbarashada gobolka Saaxil iyo ka degmada Berbera.
Waxaanu sidaa ka sheegay munaasibad ballaadhan oo shalay lagu qabtay degmada Laacadacawo ee gobolka Saaxil oo lagu abaal marinayay ardayda Dugsiyada Hoose Dhexe iyo sare ee degmada Laasadacawo oo Imtixaankii Shahaadiga ahaa ee sanad dugsiyeedkan guulo ka soo hooyay.
Afhayeen Cabdilaahi oo arrimahaa ka hadlayaana waxaa uu yidhi. “Marka hore waxaan bogaadinayaa ardayda dugsiyada hoose dhxe iyo sare ee degmada Laasa Dacawo ee halkan munaasibadda qaaliga ah loogu sameeyay ee lagu abaalmarinayo kaalmaha waawayn ee ay ka galeen Imtixaankii shahaadiga ahaa ee dalka iyo waalidiintooda iyo macalimiintooda,waxaa kale oo aan halkan ka qirayaa in guddoonka waxbarashada gobolka Saaxil uu yahay guddoon ka soo baxay xilkiisii oo in ay guddoonka gobolada kalena ay ku daydaan ay tahay labada guddoon waxbarasho ee dalka ugu fiicani waa guddoonka Saaxil iyo Gddoonka Awdal waxaa kale oo ku ammaanan kaalinta muuqada ee uu waxbarashada degmadiisa galiyay Maayer Cabdishakuur Ciddin o noqday maayer ku xidhan iskuulada degmadiisa oo la socda hannaankooda waxbarasho.”
Intaa ka dib waxaa uu ka hadlay doorashada Madaxtooyada iyo cidda mudan in loo doorto hoggaanka dalka,waxaanu yidhi. “Innagu(Somaliland) xoolo dhaqato ayaynu nahay oo waxaynu ugu jecelahay geela tusaale kasta oo la soo qaadanayana waxaa laga eegi karaa halkii uu nolosheena geelu kaga jiray markaa Geela waxaa loogu heesaa.Ceelyada Hore Ciidan Adag iyo Cid Ma Ku Lahayd.”
Intaa ka dib wuxuu hoga tusaalayn u soo qaatay Maansada Abwaan Xasan Xaaji Cabdilaahi Xasan Genay ee Duufaan Tuduc ka mid ah.
Laba midabka dayr cada
Laba doobta wada riday
Da’da toban gu’ wada jiray
Daymada an kala dhicin
Dun wanaagsanaantiyo
Hidihiyo dirkoodaa
Midna geel ku dari kara
Waxaanu afhayeenku hadalkiisa ku soo afmeeray Muuse wuxuu ka mid ayahay kuwii Dar ALLIYO Daraadood Deeqdaa lagu helay in cid kale lagu doorsadona maaha isagoo u taagan maanta.”
Haddaba hadalka Afhayeenka oo dhammaystiran halkan ka daawo