London(Xogsoor Media.Net):- Qarax ayaa lala beegsaday Tareen nooca dhulka Hoostiisa mara ah magaalada London,qaraxa ayaa la sheegay in uu ahaa mid aan qasaare badan gaysan.
Qaraxa ayaa la sheegay in uu gudaha tareenka ka kacay dab kaasoo geystay dhaawacyo kala duwan oo soo gaadhay qaar ka mid ah rakaabka tareenka la socday.
Qarax ayaa lala beegsaday tareen ka mid ah kuwa London ee dhulka hoostiisa mara, waxaana lagu soo warramayaa in qaar ka mid ah rakaabka tareenkaasi ay ku dhaawacmeen.
Qaraxa ayaa dhacay 08:20 xilliga London, waxaana booliska iyo howlwadeennada caafimaadka ay gaareen goobta uu ka dhacay oo ah boosteejada Parsons Green ee Fulham.
Sawirro laga soo qaaday tareenka ayaa muujinaya in xajmiga qaraxa uu koobnaa, oo aanu geysan burbur muuqda.
Goobjoogayaal ayaa sheegay inay arkeen dad qaba dhaawacyo kala duwan.
Laba iyo labaatan qof ayaa lagu dabiibay cisbitaallada London.
Booliska la dagaallanka argagixisada ayaa sheegay inay qaraxa ula tacaalayaan inuu yahay “fal argagixiso.”
Xigasho BBC-Somali
Xogsoor Media.Net
Hargeisa Somaliland