Hargeysa(Xogsoormedia.com):-Murashaxa jagada Madaxweynaha ee Xisbiga Mucaaridka ah ee WADDANI Dr Cabdiraxmaan Maxamed Cabdilaahi Cirro,ayaa noqday murashixii ugu horreeyay ee gurigisa ku booqda Guddiimiyaha Gudiga diiwaan gelinta ururada iyo ansixnta asxaabta qaranka Cabdirisaaq Jaamac Cumar oo muddooyinkii u dambeeyayba xaalad caafimaad u jiifay.
Guddoomiye Cirro oo ay weheliyaan xubno kale oo ka tirsan Xisbigaasi,ayaa gurigiisa magaalada Hargeysa ku soo booqday guddoomiyaha Gudiga furashada diiwaag galinta Ururada iyo ansixinta axsaabta qaranka ee Somaliland Cabdirisaaq Jaamac Cumar Ciyaale oo muddoba xanuun u jiifay
Guddoomiye Cirro, ayaa ugu horreyn xaaladdiisa caafimaad ka waraystay siyaasi Cabdirisaaq Ciyaale, waxaanu u sheegay hadda in ay xaaladdiisa caafimaad aad u fiican tahay isla mar ahaantaana uu aad uga mahad-celinayo booqashada uu guddoomiye Cirro ugu yimi gurigiisa isaga oo carabka ku dhuftay guddoomiye Cirro in uu yahay siyaasiyaga keliya ee illaa hada murashaxiinta Xisbiyada booqasho ugu yimi gurigiisa.
Guddoomiye Cirro oo isna dhankiisa halkaas ka hadlay, ayaa si weyn u muujiyey in uu ku faraxsan yahay booqashadiisa uu ugu yimi guriisa, waxaanu ALLE uga baryey in uu caafimaad sareecan ah siiyo.
Xogsoormedia.com
Xogsoormedia.com@gmail.com
Xogsoormedia24@gmail.com
abafgaab@hotmail.com
Hargeisa Somaliland