“Dadka Deegaamada Ceel-Afweyn, Dararweyne Iyo Dogoble Waxaannu Leenahay Madaxweynaha Jamhuuriyadda Somaliland Wuxuu Ciidamada Qaranka Amray Inay Tallaabo Adag Qaadaan, Haday Kalifayso Waxay U Igman Yihiin Inay Wax Dilaan.” Wasiirka Madaxtooyadda JSL
Hargeysa (Xogsoormedia.com):- Xukuumadda Somaliland,ayaa meel adag iska taagtay soo noqnoqoshada dagaal beeleedka Ceel-afwey n isla makaana ciidamada qaranka fartay amar ah in ay nabad gelyada gacanta ku dhigaan xataa haddii ay kalilayso in ay dad ku dilaan.
Wasiirada Wasaaradaa Madaxtooyada Maxamuud Xaashi Cabdi,Arrimaha Gudaha Prof: Yaasiin Maxamuud Xiir faratoon,Gaashaandhigga Axmed Xaaji Cali Cadami,ayaa ka hadlay go’aamo ay Xukuumadda Somaliland ka soo saartay soo-afjaridda shaqaaqada ka soo cusboonaatay iyo dagaal beeleedka markale ka qarxay deegaanka Dararweyne ee Degmada Ceel-Afwayn oo ka tirsan gobolka Sanaag.
Waxaanay wasiiradu sheegeen in Madaxweynaha Somaliland amar ku siiyay Ciidamada qaranka Somaliland in ay nabad gelyada sugaan oo ay gacanta ku dhigaan xataa haddii ay kalifayso in ay dad ku dilaan.
Wasiirka Maxamuud Xaashi ayaa yidhi” Xukuumad ahaan waxaannnu aad ugu xunahay mashaqada iyo dhibaatada mar kale ka dhacday gobolka Sanaag gaar ahaan degmada Ceel-afweyn deegaamada ka tirsan ee Dararweyne, arrintaasi qadar ILAAHAY ayey ku dhacday, waxa aynu nahay dad ILAAHAY yaqiinsan iyo qadarka, hasayeeshee taasi cudur-daar uma noqon karto waxa dhacaya lagumana dadafayn karo, ILAAHAY isagaa ayaa aadamaha dunidan khaliif uga dhigay wax kasta oo dhacana isaga ayuu kala xisaabtamayaa. Arinta halkaa ka dhacday ee dagaalku waanu cambaaraynnaynaa, waa mid xun Xukuumad ahaan maaha mid aannnu u dulqaadaynayno, qarankan in nabaddiisa iyo deganaashihiisa lagu ciyaaro lagu xadgudbo maaha mid aannu aqbalayno, nabaddiisuna waa mid mudamin ah oo aan ciddina ku xad gudbi karin, waa Xukuumadda qarankan waajibaadka saaran, Xukuumadda Madaxweyne Axmed Siilaanyo nabadgalyadu waxay ka mid tahay ahmiyadaha ugu waaweyn ee aannu hantida ummaddan ku bixino, dhacdooyin badan iyo isku-dhacyo ayaannu xalimaa maalin walba, xikmad iyo xeeladba ayaannu ku xalinaa, xoogna waanu ku xalinaa, dhacdooyinka cunfi iyo cudud kaliya kuma xalino caqli iyo cudud ayaannu ku xalinaa, waa sida ay wax u xaliyaan Xukuumaddaha waxgaradka ah ee waayo arragnimada leh.”
Haddaba halkan ka daawo Wasiirka Madaxtooyada oo faah faahin badan ka bixinaya tallaabooyinka ay Xukuumaddu ka qaadanayso dagaal beeleedka markale ka soo cusboonaaday deeaanka Dararweyne ee Degmada Ceel-afweyn.
Xogsoormedia.com
Xogsoormedia.com@gmail.com
Xogsoormedia24@gmail.com
abafgaab@hotmail.com
Hargeisa Somaliland