Hargeysa(Xogsoormedia.com):- Madaxweyne ku-xigeenka Somaliland ahna kusimaha Madaxweynaha Cabdiraxmaan Cabdilaahi Ismaaciil Saylici iyo wefti uu hoggaaminayo,ayaa socdaal xog ogaal u noqosho ah hannaanka ay u socoto qaadashada kaadhka Cdbixiyeyaasha doorashooyinka Somalland ku tegay gobolka Gabilay.
Madaxweyne ku-xigeenka iyo weftigiisa ayaa intii ay socdaalka ku jireen waxay soo dhawayn kala kulmeen deegaanada gobolka Gabilay ee ay booqdeen dadweynaha ku dhaqan waxaanay bulshada ku dhiirigaliyeen in ay qaataan kaadhka codbixiyaha oo ah hawl qaran xaq uu leeyahay qof kasta oo muwaadin ah isal markaana u saamaxaysan in uu wax dooran karo.
Socdaalka Madaxweynaha oo warsaxaafadeed ka soo baxay qasriga Madaxtooyda lagaga hadlay ayaa u dignaa sidan.
Ujeedada kormeerka Madaxwayne ku-xigeenka ayaa waxay daarnayd inuu u kuurgalo isla markaana uu xogogaal u noqdo qaabka ay Gobolka Gabiley uga socdaan hawlaha qaybinta kaadhka doorashooyinka iyo arrimaha u baahan wax ka qabasho.
Waftiga uu hogaaminaayey Madaxwayne ku-xigeenka waxa ku wehelinayey Wasiiro, Afhayeenka Madaxtooyada JSL , Wasiir ku-xigeeno, iyo Agaasimayaal kuwaasoo dhamaantood shacab weynaha ku dhaqan deegaanadaasi si mug leh ugu wacyi geliyay sidii ay xil iskaga saari lahaayeen qaadashada kaadhka Codbixinta Doorashooyinka Madaxtooyada.
Madaxwayne ku-xigeenka Jamhuuriyadda Somaliland ayaa bulsho weynta ku dhaqan Gobolka Gabiley uga mahad celiyay soo dhawaynta qiimaha leh ee ay ku maamuuseen isagoo dhanka kalena si weyn ugu wacyi geliyay inay qaataan kaadhka codbixinta waxaanu yidhi madaxwayneku-xigeenku “Aad baan idiinkaga mahad celinaynaa sida qiimaha leh ee aad noosoo dhawayseen iyadoo ay wakhti danbe tahay, waxaanu Gobolka Gabiley aanu u imi waa arrin kaliya oo ah sidii aad u qaadan lahaydeen kaadhka codbixinta doorashada oo xaq kuu siinaya inaad doorato qofka aad la jeceshahay inuu dalka hogaamiyo, olole umaanaan iman waxaan idinku boorinayaa inaad hogaaminta dalkiina wax ku lahaataan oo aad qaadataan kaadhka oo aydaan iska qoomamayn biri ka maalin” ayuu yidhi mufane Cabdiraxmaan Saylici.
Sidoo kale Madaxwayne ku-xigeenka ayaa kulan balaadhan la qaatay waxgaradka iyo haldoorka Gobolka Gabiley, kulankaasi oo ahaa mid ay labada dhinac kaga wada hadlayeen horumarinta adeegyada bulshada ee Gobolka Gabiley.
Xuseen Adan Cige (Deyr),
Afhayeenka Madaxtooyada JSL