Axmed Yuusuf Ducaale oo ka Xog-warramay Midnimadii 60-kii ka hor Dawladihii Aqoonsaday Somaliland iyo Gooni Isutaaggii 91 Siday ugu Wada Dhammaayeen Beeluhu
Hargeysa(Xogsoormedia.com):- Axmed Yuusuf Ducaale oo ka mid ah ruugcadaaga iyo siyaasiyiinta reer Somaliland ee goob joogga u soo ahaa xornimadii 26,kii June ee 1960kii. Iyo israacii Somaliland iyo Soomaaliya,ayaa tilmaamay in Somaliland iyadoo dawlad ah oo la aqoonsan yahay oo caalamka ka kid ah in ay la midawday Soomaaliya isla arkaana ay ahayd dawlad jirta oo haysata aqoonsiga dawlado badan oo ka tirsan Qaramada Midoobay..
Waxaanu intaa ku daray in Somaliland 91 kii shirkii Burco kula soo noqotay Xorriyadeedii kana baxday midnimadii ay lixdankii la gashay Soomaaliya taasoo ay u dhammaayeen guud ahaan beelaha Somaliland wada dega oo ay madaxdhaqameedkooda iyo aqoonyahankoodu wada go’aansadeen in mdnimadii Soomaaliya ay la galeen n ay ka noqdaan oo dawladiidii dhalatay 26 June 60-kii. Markale dib ula so noqdaan 18,May 91 kii.
Waxaanu sidaa ku sheegay waraysi gaar ah oo isagoo jooga dalka Canada uu siiyay shabakadda Xogsoormedia.com
S:Somaliland 1960 26,dii. Jun waxay ka xorowday Ingiriis maalintaa Somaliland caalamka aqoonsi dawladnimo imisa dal ayay ka heshay?
J.Waxa ay aqoonsi ka heshay Somaliland maalintay ka xorowday xukunkii Ingiriiska 35 waddan oo xubno ka ahaa Ururka ummadaha Midoobay ama Jimciyada Quruumaha ka dhaxaysa , qofba siduu u yaqaan.Waxaa daliil u ah in maalintaa dowladihii 35,ka. ahaa waxay hambalyo iyo soo dhawayn usoo direen xukuumaddii Somaliland ee maalintaa dhalatay , taararka hambalyada ah ee ay usoo direena waxaa ka mid ahaa kii uu Golahii Wasiirada Somaliland u soo diray wasiirkii arrimaha dibedda ee Maraykanku Mr.Chiristian A. Herter,taas oo dowladihii kalena saa si leeg sameeyeen.
S:Xorriyadda ay ingiriiska ka qaadatay ma u gaar ayay ahayd mise sida dadka qaar yidhaahdaan waa wax umadda Soomaaliyeed o dhami ay wadaagto?
J:Xorriyad ay Somaliland Ingiriiska ka qaadatay 26 June 1960gii Somaliland bay ugaar ahayd Calankana iyada uun baa laga taagey, waayo dal kale oo Ingiriisku xukumayey ma jirin,waxaanse la inkiri kareyn in calankaa Hargeysa laga taagay Soomaaliyi sey u dhantahay soo dhawaysay.
S;Maxaa sabab u ahaa ee dedejiyay in Somaliland Soomaaliya malintay xorowday ee 1 julay in ay si deg deg ah ula midawdo.
J:Soomaali oo la isku keenaa waxa uu ahaa mabda’a la aaminsanaa dadweynuhuna ku hadaaqayey labadii xorroobay oo ay Somalilland horreysay in Somaliland ku dhiirato is raacaa in ay hirgeliso waa waxay sharaf ku mudatay Soomaalina tustay madaxbanaanideedii in ay u sadqaysay isukeenka Soomaaliyeed degdegga waxaa ugu wacnaa carar laga cararayey in ay timaado duruuf xamaasaddii dadka dabcisa iyo kalgacal xad-dhaaf ah oo loo hayey walaaleynta labada gobol oo si gaar ah uga soo burqanayey Somaliland Sugaantuna ka maragtahay.
S: maxay ku kala duwan yihiin maalmaha xorriyaddii ingiriis laga qaatay ee 26 jun iyo maalinta dib ula so noqoshada madaxnanaanida ee 18 May.
J:Waa ra’yigeyga gaarka ah. labada maalmoodba xurmo iyo xus innaga mudanyihiin .Midna Ingiriiskii ayeynu iska xoreyney, takalena Xukunkii askarigga ahaa ayeynu xoog iyo dagaal iskaga xorreyney. labada maalmoodna ma aha in la isku xoqqo ee labadaba in si buuxda loo xuso weeye.
S:Halgankii SNM qorshe cad oo la isku ogyahay ma ka lahaa in Somaliland lala soo noqdo mise shirkii Burco ayay ka dhalatay markii dalku xoroobay.
J:Waxa ay ila tahay dareen guud oo gooni isu taag ahi dadweynihii Somaliland ee taageersanaa S.N.M. halgankeedii wuu ka muuqday qorshayaashii gaarka u ahaa hoggaankii S.N.M. iyaga ayaa laga wareysan , ku dhawaaqa gooni isutaaga se Burco ayaa lagaga dhawaaqay, Somaliland way u dhammayd, waayo go’aankaa waxaa saxeexay 19 odday oo madax dhaqameed iyo waxgarad kaleba leh ; kuwaasoo sagaal ay ka soo jeedeen Gobolada Bariga ee Somaliland halka 10 xubnood oo madaxdhaqameedka ka mid ahina ay ka soo jeedeen Gobolada kale ee galbeedka Somaliland .
Xogsoormedia.com
Xogsoormedia24@gmail.com
abafgaab@hotmail.com
Hargeisa Somalilan