Hargeysa(Xogsoormedia.com):- Xukuumadda Somaliland,ayaa ka hadashay dhimashada Laba Maxbuus oo ku geeriyooday Xabsiga dhexe ee magaalada Burco.
Labada Maxbuus ayaa u geeriyooday xanuunka Shuban Biyoodka oo ku dhacay,waxaanay ku dhex geeriyoodeen xabsiga magaalada Burco,halka 54 maxaabiis iyo 5 askari oo ka tirsan ilaalada Jeelkana ay xaaladooda caafimaad liidato.
Sidan waxa warbaahinta u xaqiijiyey wasaaradda Cadaaladda Somaliland oo war-saxaafadeed ay soo saartay ku shaacisay in laba maxbuus xabsiga Burco ugu dhex geeriyoodeen xanuunka Shuban Biyoodka oo ka dilaacay deegaanada gobolka Togdheer iyo gudaha magaalada Burco.
haddaba halkan hoose kaga bogo war-saxaafadeedka Wasaaradda Caddalaada.
