Manchester United ayaa markii ugu horaysay taariikhda kooxdeeda ku guulaystay koobka Europa Leaque-ga kadib markii ay guul 2:0 ah ugu quus goysay kooxda Ajax. Mourinho ayaa halkiisa ka sii watay rekoodhkiisa cajiibka ah ee kulamada finalka ah isaga oo markii afraad ee uu soo gaadhay kulan final Yurub ah koobkan ku guulaystay si la mid ah saddexdii waqti ee hore.
Paul Pogba iyo Henrikh Mkhitaryan ayaa Manchester United guushan ku hogaamiyay waxayna Red Devils noqotay kooxdii shanaad ee kuwada guulaystay saddexda koob ee UEFA ay maamusho ee Champions Leaque-ga UEFA Cupka/ Europa Leaque-ga iyo waliba European Cup Winners’ Cup, waxaana taariikhdan hore u soo sameeyay kooxaha Ajax, Bayern Munich, Chelsea iyo Juventus.
Mourinho iyo kooxdiisa ayaa si toos ah ugu soo baxay heerka Groupyada Champions Leaque-ga waxayna England tartanka Champions Leaque-ga xili ciyaareedka cusub ku yeelan doontaa shan kooxood oo kala ah Chelsea, Tottenham, Manchester City iyo Liverpool oo dhinaca horyaalka Premier Leaque-ga ugu soo baxay iyo waliba Manchester United oo Europa Leaque-ga u soo martay balse Liverpool ayaa isreeb reebk soo gali doonta maadaama oo ay kaalinta afraad ku dhamaysatay.
Ajax ayaa garoonka ku soo gashay kooxdii abid ugu da’da yarayd kulan tartan final Yurub ah. Xidigaha Manchester United dhaawaca kaga maqan ee Zlatan Ibrahimovic, Marcos Rojo iyo Eric Bailly oo kulankan ganaax ku seegay si lamid ah Sir Alex Ferguson ayaa kulankan ka soo xaadiray.
DAQIIQADII 18 Xidiga aduunka ugu qaalisan ee Paul Pogba ayaa kooxdiisa u horseeday goolka furitaanka kadib markii uu cidhifka xerada ganaaxa Ajax uu darbo ka tuuray balse waxa uu caawin ka sii helay Sanchez oo badalay jahadii ay kubbadu u socotay taas oo goolhayaha Ajax ee Onana u diiday in uu sameeyo wax gool badbaadin ah, wuxuuna goolkan Red Devils ka caawiyay in ay iska joojiyo kooxda da’yarta ahayd ee dardarta badan ku ordaysay, waxayna ciyaartu noqotay 1:0 ay Man United hogaanka ciyaarta ku qabtay.
DAQIIQADII 24 AAD Manchester United ayaa ku dhawaatay in ay hesho goolkeeda labaad kadib markii ay Valencia iyo Fellaini isku xidhmeen laakiin markan goolhaye Onana ayaa kubbada iska badbaadiyay, laakiin kooxda Ajax ayaa markeeda bilwaday in ay raadiso goolka barbaraha balse Mourinho ayaa ciyaartoyda kooxdiisa ku dardaaray in ay difaaca si adag u ilaashadaan isla markaana ay raadiyaan goolka labaad.
Mourinho ayaa qaybtii hore ee kulankan tatiko ahaan u guulaystay waxayna Ajax garan wayday goobtii ay u mari laahyd goolka Manchester United waxaana lagu kala nastay 1:0 ay Red Devils guul ugu taagnayd iyada oo 45 daqiiqo u jirtay koobka Europa Leaque-ga iyo waliba u soo bixitaanka Champions Leaque-ga.
Markii layskugu soo laabtay qaybtii danbe ee ciyaarta ayay labada kooxood lahaayeen laba qorshe oo kala duwan, Manchester United oo doonaysay in ay natiijada ciyaarta ilaashato isla markaana ay raadiso goolal kale halka Ajax ay doonaysay in ay ciyaarta dib ugu soo laabto.
DAQIIQADII 48 AAD Xidiga gool dhalinta Europa Leaque-ga xili ciyaareedkan ku takhasusay ee Henrikh Mkhitaryan ayaa qaab qurux badan oo laba lugoodley ay kooxdiisa Man United ugu keenay goolka labaad ee ay hogaanka ciyaraarta ku sii adkaysatay kadib markii uu caawin ka helay Chris Smalling, wuxuuna goolkani niyada xili hore oo qaybtii danbe ee kulankan ka xumeeyay Ajax oo doonaysay in ay soo laabasho samayso waxayna ciyaartu noqotay 2:0 ay Red Devils hogaanka ciyaarta ku dheeraysatay.
Daqiiqadi 62 aad Ajax ayaa isbadalkeedii ugu horaysay ee ciyaarta samaysay waxaana la saaray 19 jirka ay difaaca United kubbada u diideen ee Kasper Dolberg waxaana kaydka looga yeedhay David Neres Campos laakiin markii ay ciyaarta waxba iska badali waayeen Ajax ayaa sidoo kale daqiiqadii 70 aad ciyaarta ka saartay Lasse Schöne waxaana kaydka looga yedhay Donny van de Beek.
Manchester United aya kalsooni wayn ka heshay goolka labaad wuxuuna Mourinho badalkiisa ugu horeeyay sameeyay daqiiqadii 74 aad isaga oo ciyaarta ka saaray xidiga goolka labaad dhaliyay ee Henrikh Mkhitaryan wuxuuna xiisaha finalka Europa Leaque-ga ugu yeedhay Jesse Lingard oo kaydka fadhiyay.
Ajax ayaan ka quusan in ay soo laabto waxayna dagaal wayn ugu jirtay sidii ay marka hore ku heli lahayd goolka ay ku soo yarayn karta farqiga goolasha Manchester United balse sidii looga bartay Mourinho ayaan doonayn in ciyaartoyda kooxdiisu ay wax qalad ah ka sameeyaan difaacashada iyo tatikadii uu soo dhigay.
Ugu danbayn ciyaarta ayaa ku dhamaatay 2:0 ay Manchester United ku garaacday kooxdii da’yarta ahayd ee Ajax oo awoodi wayday in ay Mourinho iyo colkiisa iska caabiyaan waxayna guushani Man United ka caawisay in ay markii ugu horaysay taariikhda kooxdeeda ku guulaysato Europa Leaque-ga waxayna sidoo kale qayb ka noqotay kooxaha haddba booska ka helay heerka Groupyada Champions Leaque-ga iyada oo Mourinho uu ka midho dhaliyay hadafkiisii ugu