London(Xogsoormedia.com):- Dawladda Ingiriiska,ayaa ka hadashay shir ay u qabanayso Dawladda Federaalka Soomaaliya iyo maamul goboleedyada hoos yimaadda iyo dalalka daneeyeyaasha arrimaha Soomaaliya.
Warsaxadeed ay shirka ay u qabanayso Soomaalida ka soo saartay Dawladda Ingiriisku,ayaa lagu sheegay in Ingiriisku kaalin muhiim ah in uu ka qaadanayo taageerada caalamiga ah ee la doonayo in ;lagu soo celiyo rejada dawladda Soomaaliya ee amni iyo nabad gelyo
Waxaa kale oo lagu sheegay in dawladda UK in ay ciidamada Soomaaliya siiso tababar joogto ah iyo ciidamada AMISOM ee ka socda Midawga Afrika eek u sugan gudaha Soomaaliya.
War-saxaafadeedka ayaa lagu yidhi. “Amaanka wuxuu noqon doonaa mowduuca ugu muhiimsan shirka Soomaalida ee London lagu qabanayo 11-ka May, kaasoo isku keenaya dawlada cusub ee Federaalka ah, maamulada xubnaha ka ah dawladda Federaalka, iyo dalalka daneeya arrimaha Soomaaliya si loo dardargaliyo horumarinta la iskuguna raaco iskaashi heer caalami ah oo baahidiisu tahay in Soomaaliya ay qaado dhabbaha ku jihaysan nabad buuxda iyo barwaaqo sanadka 2020.
Soomaaliya waxay u sii baahnaan doontaa taageero la taaban karo guud ahaan ammaanka, isbedel siyaasadeed, horuminta dhaqaalaha iyo bulshada si loo sugo in la adkeeyo horumarka ay sameysay shantii sano ee la soo dhaafay.
Warsaxadeedka waxaa lagu sheegay in xiligan oo kala badh dadka Soomaaliya aanay haysan cunto la isku hallayn karo, shirku waa fursad lagu xoojiyo jawaabta beesha caalamka ee abaarta jirta iyo baahida gargaarka bini’aadamtinimo waxaa loo baahan yahay taageerada caalamiga ah si looga hortago abaar baahsan, haddii aan taas la helinna horumarka siyaasadeed iyo ammaan ee Soomaaliya laga sameeyey tan iyo 2012-kii wuxuu noqon doonaa mid dib u dhac wajaha”
Xogsoormedia.com
abafgaab@hotmail.com
Hargeisa Somaliland.