Muqdisho (Xogsoormedia.com):- Madaxweynaha cusub ee Xidhiidhka Kubbadda Cagta ee Qaaradda Afrika, Mr Ahmed Ahmed, ayaa booqasho ku tegay caasimadda dalka Soomaaliya ee Muqdisho bil ka dib markii lo doortay xilka Madaxweynaha xidhiidhka kubbadda cagta ee Qaarada Afrika (The Confedertion of AfricanFootball)
Ahmed Ahmed iyo wefti uu hoggaamiyo ayaa waxaa garoonka diyaaradaha ee Muqdishu kusoo dhoweeyay wasiirka wasaarrada dhallinyarada iyo cayaaraha Khadiija Maxamed Diiriye, Guddoomiyaha xidhiidhka Soomaaliyeed ee kubbadda cagta Cabdiqani Siciid Carrab iyo masuuliyiin kale.
Guddoomiyaha iyo weftigiisa ayaa maanta booqday Muqdisho STADEUM oo imika xarun u ah ciidan ka tirsan AMISOM oo garoonka deggan.
Guddoomiyaha xidhiidhka Kubadda cagta ee Jesiiradda Madagscar, Ahmed Ahmed ayaa bishii March ee sanadkan loo doortay Guddoomiyaha cusub ee Xidhiidhka Kubadda Cagta Afrika (The Confedertion of African Football), kadib, markii uu ka guuleystay Guddoomiyihii hore, Ciise Xayaatu oo u dhashay dalka Cameroun, oo muddo 29-sanno hayey Xilkaasi.
Doorashadaasi ayaa ka dhacday Caasimadda dalk Ethiopia ee Addis Ababa, waxayna Labada Murashax kala heleen Ahmed Ahmed oo helay 34 cod, halka Ciise Xyatu ka helay 20-cod.
Guddoomiyaha laga guuleystay oo 71-jir waxa uu xilkaasi hayey tan iyo sannadkii 1988-dii, wuxuuna kaalin ka geystay Horumarinta K/cagta Afrika.
Guddoomiyaha iyo weftigiisa ayaa la filayaa in ay kulamo la yeeshaan madaxda dawladda Soomaaliya isla markaana ay ka wada hadlaan sidii kor loogu qaadi lahaa ciyaaraha kubadda cagta Soomaaliya isla markaana dhallinyarada Soomaaliya eek u nool dalka rubuc qarniga qalalaasaha iyo dawlad la,aanta ku jiray sidii garoomo loogu dhisi lahaa xirfadooda ciyaareedna kor loogu qaadi lahaa.
Xogsoormedia.com
abafgaab@hotmail.com
Hargeisa Ofice