Hargeysa(Xogsoormedia.com):- Weftiga Xisbiga WADDANI ee socdaalka ku maraya dalal ka tirsan qaarada Yurub,ayaa kulan la yeeshay jaaliyadda reer Somaliland ee dalalka Biljam iyo Holland oo ay kula kulmeen caasimadda labaad ee dalka Biljam.
Musharaxa jagada Madaxweynaha ee Xisbiga mucaaridka ah ee WADDANI Cabdiaxmaan Maxamed Cabdilaahi Cirro oo jaaliyadda reer Somaliland ee Biljam iyo Holand qudbad u jeediyay ayaa sheegay in Xisbiga WADDANI in uu u taagan yahay badbaadinta hantida ummadda iyo in uu WADDANI yahay Xisbi la wada leeyahay oo aan cid gaar ah u xidhnayn.
Weftiga Xisbiga WADDANI oo uu hoggaaminayo Musharaxa Xisbiga WADDANI Cabdiraxmaan Maxamed Cabdilaahi isla markaanay ay Ingiiiska kaga biireen Guddoomiyaha ku meel gaadhka ah ee Xisbiga WADDANI Cabdiqaadir Xaaji Ismaaciil Jirde iyo xubno kale,ayaa jaaliyadda reer Somaliland ee Biljamka iyo Holland taageerayaasha u ah Xisbiga WADDANI,ayaa uga xog warramay halka uu dalku marayo iyo waayaha uu ku sugan
Waxaa kale oo ay weftigu Sheegeen in ay so dhawaynayaan wax kasta oo horumar ah oo dalku u baahan yahay oo laga hir galijnayo ka xisbi ahaan laakiin loo baahan yahay in wixii la maal galinayo iyo heshiisyada la gelayaba in ay noqdaan kuwo cad oo heshiisyo cad oo golayaasha loo soo gudbiyay lagu dhaqan galiyay.
Waxaa kale oo ay sheegeen Madaxda Xisbiga WADDANI in ay soo dhawaynayaan maalgalinta iyo casriyaynta Dekeda Berbera laakiin waxa loo soo gudbiyay golaha wakiilada ee laga ansixiyay ayay shegeen in aanay ahayn hshiis balse ay ahaayeen male awaal Xukuumaddu soo qor qortay.
Haddaba halkan ka daawo
Xogsoormedia.com
Hargeisa Somaliland