Hargeysa(Xogsoormedia.com):- Shir-jaraa’id: waa maansooyin koob kooban oo ujeedo ahaan iyo suugaan ahaanba dhammaystiran oo ay sadex abwaan is waydaarsadeen kagana hadleen shirarka jaraa’id ee maalin kasta taagan iyo dadka warbaahinta habeenkasta laga daawado oo dad badani ay aad ugu dawakhaan isla markaana ay is waydiiyaan waxa laga hadlayo iyo hadalka maalin kasta taagan ee aan nuxurka badan xambaarsanayn.
Maansooyinka koob kooban ee aan soo wado iimaga dhex muuqato in ay cid gaar ah shirkooda jaraa’di diiddan yihiin laakiin waxay suugaan kaga hadleen oo kleliya inta ay dadkuba is waydiiyaan ee ah oo muxuu ka hadlay iyo muxuu soo kordhiyay.
Sadexda Abwaan eek ala ah Sidiiq Maxamed Birmad, Xasan Saleebaan dhuxul(Laabsaalax) iyo maxamuud xasan halbeeg oo maansooyin kooban oo Shiinlay ah is waydaarsaday ayaa kala ah laba abwaan oo diidan isla markaana dhaliilsan shirjaraa’id ka hadalka iyo abwaan isagu taageersan oo ku doodaya in ay tahay camal iyo nooc shaqo oo imika lagu xoogsado iyo xirfad lagu shaqaysto isla markaana loo baahan yahay in loo daayo dadka haddaan shaqo loogu bedelo aan loo hayn.
Haddaba Sidiiq Maxamed Birmad oo bilaabay ayaa ku bilaabay maansooyinka koob kooban sidan.
Wallee sharafi dhimataye
Adigoo n wax sheegayn
Shir jaraa’id qabashadu
Shaashada ka muuqoo
maku shaacbax uunbaa?
Sidiiq Maxamed Birmad
,,,,,,,,,,,,,,,,,
Abaan Xasan Saleebaan(Laabsaalax) oo jawaabtii koobaad ka bixiyay ta Sidiiq Birmad ayaa isna yidhi
Mar hadaan La Shiidayn
Dadka kii Ku Shubasha ah
Ee Shilinku Soo Diro
Shicibkuna Durbaanada
Shanta Sacabka ugu Tumo
Sidiiqoow Ma Shaah baad
Bilaash ugu Shubaysaa
Mise Shaqaad U haysa
Shuqulkiisa Weeyee.
Ha Sharaabiyee Daa
,,,,,,,,,,,
Maxamuud xasan halbeeg oo noqday abwaankii sadexaad ee la wadaaga maansadan kooban ayaa iska ku dooday sidan
Shir jaraa id qabashadu
Waa shil ina haystoo
Dalka shiiqinaayiyo
Shaatigaynu xidhanahay
Shaanbad la la dhacaayiyo
Shanshadiyo Tagoogada
shilin inaga Cunaysee
Shiikhii xidigo hoow
Adaa magac shabeeloo
shaashadaha ka baahoo
shaac baxay hagoogtoo
Soomaalida shantaa iyo
Beryo geeska Shidayoo
Shaab Shaab la Haayoo
Shaalkaagu muuqdaa
Shir jaraa id Doonada
sida Shuban Biyoodkii
Sharoobo aynu Siiniyo
sharooto Aamusiisiyo
Shakaal Laba Dibleeyiyo
Shebeg lagu Qufulo Doon
Ama Shuushkan Shuqubaha
Shibaan wada Nidhaahnoo
Sheeda uun ka eegnee
Shaydaanka wada ee
Shookaanta u hayaa
Shalawguu ka rido dhawr
Xogsoormedia.com
Hargeisa Somaliland