Hargeysa(Xosoormedia.com):- Mar kasta oo laga hadlo taariikhda Soomaalida iyo halka ay ka soo jeedo asal ahaan waxaa la soo dareeriyaa taariikho badan oo kala duwan isla markaana kala gedisan oo meelo kala gooni gooni ah ku aroora,daraasado badan oo la sameeyay ayaase isku raacsan in faraacinadii ka talin jirtay Masar ee reer Binu isaariil gumasatay in ay ka tageen geeska afrika oo ay Soomaali ahaayeen.
Faraacinadaas oo ahaa dawlad guun ah oo boqortooyo ah oo muddo qarniyo ah xukumaysay dalka Masar illaa uu kii ugu dambeeyay noqday Fircoonkii kibray ee ILLAAH nimada sheegtay ee ALLE halaagay.
Hadaba waxa isweydiin leh maxay dadka Soomaalidu u diidaan ee ay u masaxeen taariikhdoodii iyo halkey kasoo jeedeen oo ay dhamaantood u wada sheegtaan iney yihiin CARAB oo ay dhaleen culimo carab ah oo diinta Islaamka keentay Geeska Africa?
Taasi jawaabteedu waxa weeyi, horta marka 1aad way jirtaa culimo Carab ah oo dhulkeena yimid, lakiin dadkii diinta loo keenay ee Culimadu bareysay diinta Somali ayey ahaayeen, Somaliduna Islaamka hortii way jirtey Laakiin markii loo sheegay in Fircoon uu gaal ahaa oo ilaahnimo sheegtey ayey naceyb ay uqaadeen ninkaa iyaga ka mid ahaa ee dhulka fasahaadiyey ee ilaahnimada sheegtay dartii naceyb ay uqabaan ayey u masaxeen aqoonsigoodii iyo halkey kasoo jeedeen waxaanu qabiil waliba sheegtey Sheekhii diinta u keenay oo ay yidhaahdeen anagu saacada laga bilaabo sheekhow adaanu kaasoo jeednaa oo diinta islaamka ayaanu la soconaa.
Si aad wax badan uga fahantid bal daawo Video-ga hoose oo Professor Mohammed Sa’id Gees uu inoogu sharaxayo xidhiidhka ka dhaxeeya Somalida iyo Faraaciyiintii
Xogsoormedia.com
Hargeisa Somaliland