Burco(Xogsoormedia.com):- Ugu yaraan 15 qof ayay dhaawacyo kala duwani ka soo gaadheen ka dib markii uu la gaddoomay gaadhi bas ah oo ay la socdeen deegaanka Galloolay oo u dhexaysa Burco iyo Sheekh .
Gaadhiba baska ah ee gaddoomay oo ay lahayd shirkada Socdaalka gaadiidka dhulka ee Salaama ayaan shilkiisu keenin dhimasho dad laakiin waxaa ku dhaawacmay ugu yaraan 15 qog,baska oo baxay magaalada Hargeysa una socday dhanka Burco ayaa caawa fiidkii ku gaddoomay deegaanka Galloolay oo u dhaxaysa Burco iyo Sheekh.
Agaasimaha Cusbitaalka Burco Ibraahim Alaale oo Hadhwanaagnews Khadka Tilifoonka Kula hadlay ayaa sheegay in cisbitaalka guud ee Burco la soo gaadhsiiyay 12 Qof Oo Dhawacyo Fuduud Iyo Culusba Iskugi Jira Iyadoo Saddax Qof oo kalena uu sheegay in loo diray gaadiidka gurmada oo loosoo wado dhanka cisbitaalka Burco.
Shilalka gaadiidka ayaa muddooyinkan dambe aad ugu badan wadada u dhaxaysa Burco iyo Sheekh iyadoo dhawaanna Taliyaha Booliska Somaliland uu sheegay in bilawga sanadkan ay kor u keceen shilalka gaadiidka iyo qasaaraha dhimasho ee ay keenaan isla markaana uu tilmaamay in ay wax ka qaban doonaan hannaanka waddo marista gaadiidka.
Shilkan basku ku geddoomay ayaanay wali ka hadal ciidamadda nabad gelada waddooyinku
Xogsoormedia.com
Hargeisa Somaliland