Hargaysa (Xogsoormedia.com):- Wasiirka cusub ee Wasaaradda dhaqanka iyo dalxiiiska Jamhuuriyadda Somaliland, Khadar Xaaji Yuusuf, ayaa isagoo aan wali xilkiiba la wareegin weerar durba u jawaabay siyaasiyiinta mucaaridka ah
Wasiirka oo maanta magaaladda Hargaysa kula hadlay warbaahinta ayaa sheegay in siyaasiga Ismaaciil Buubaa dhawr iyo labaatan sanno in uu ku hawlanaa burburinta qaranimada Somaliland, isla markaana uu imika shaadh kale u soo huwaday shacabka Somaliland.
“Ismaaciil Buubaa, waxa uu dhaliil ka dhigayay wasaaradda cusub ee madaxweynuhu ii magacaabay, iyadoo ay doorashadii dhowdahay in uu ku dhawaaqay. waxaan leeyahay Ismaaciil Buubaa dhawr iyo labaatan sanno ayaad waddankan dilaal ka ahayd oo aad magacoooda iyo sharaftooda aad iibsanaysay iyo sidii loo burburin lahaa Somaliland oo aad ka shaqaynaysay, imikana adiga oo shaadh kale huwan ayaad halkan la joogtaa,”ayuu yidhi Wasiir Khadar Xaaji Yuusuf.
Wasiirku isagoo hadalkiisa sii watay wuxuu intaa raaciyay “Wasaaraddu haddii ay cusub tahay bil keliyana xukuumadda ha u hadhee miyaanad ogayn in xukuumadda ka dambaysaa ay halkaa ka sii wadayso shaqada wasaaradda”
Geesta kale Wasiirku waxa uu usheegay in siyaasiyiin ka tirsan xisbiga WADDANI oo ay isku jufo yihiin ay hun gureeyeen xilka loo magacaabay. Waxaanu xubnahaasi u soo jeediyay in ay daacad u noqdaan xisbiga ay ka tirsan yihiin ee WADDANI.waxaannu yidhi “Markii la soo geliyay suuqa in aan iska casilay xilkii la ii magacaabay iyadoo aanay waxba ka jirin arrintaas, waxaanay ahayd saluug, waxaanan ogaaday oo aan ka faa’iiday, wax badan oo ku saabsan xisbiga WADDANI iyo dadka aanu isku reerka nahay ee ku jira xisbigaasi, oo markiiba xagga xukuumadda u soo yaacay, markii ay maqleen wuu is-casilay. Waxaan kula talin lahaa siyaasiyiintaasi in ay daacad u noqdaan kolba xisbiga ay joogaan ama KULMIYE ha noqdo ama WADDANI.”
Xogsoormedia.com
Xogsoormedia.com@gmail.com
Xogsoormedia24@gmail.com
abafgaab@hotmail.com
Hargeysa Somaliland