Waxaan hambalyaynayaa bahda warbaahinta araga(Tv,yada) ku hadla af soomaaliga intooda badan iyo idaacadda radio hargaysa oo qayb wayn ka qaadanaya gurmadka dadka abaaruhu ku habsadeen ee ku dhaqan gobolada bari ee somaliland.
Waa talaabo ku dayasho mudan in sidan oo kale laysugu kaashado bulsho u baahan taageero iyo codkooda in la gudbiyo ilaahayna loo baryo lana caawiyo,markale waan hambalyaynayaa bahda tv,yada ee ka qayb qaatay barnaamijka tooska ah ee loogu gurmanayo dadkaasi.
Waxaan si gaara hambalyo ugu dirayaa wasiirka warfaafinta Somaliland Cismaan Cabdilaahi Saxardiid Caddaani oo sida la ii sheegay isagu fikirkan hindisay isla markaana hirgaliyay.
Waxaan ka codsanayaa dhamaan bulshooyinka ku nool gudaha somaliland iyo wadamada dibada inay qayb ka qaataan gurmadka dadka abaaruhu heleen oo xaalad adag ku sugan una baahan duco iyo in ilaahay loo baryo sidoo kalana la siiyo nooc kasta oo gargaar ah oo aadmigu isugu kaalmeeyo.
(KU BARINAYE ALLAHAYOOW NAGA BIXI ABAARAHA)
AAMIIN AAAMIIN AAAMIIN
Qalinkii Axmed Cismaan Batuun
Xogsoormedia.com
Hargeisa Somaliland
