Ceelwaaq(Xogsoormedia.com):- Kooxda Al-Shabaab ee ka dagaalanta koonfurta Soomaaliya,ayaa galabta la wareegay gacan ku haynta degmada Ceel-waaq ee koonfurta Soomaaliya.
Kooxda Al-Shabaab,ayaa galabta ku qaaday weerar xooggan ciidammmo ku sugnaa degmada Ceel waaq oo ka kala tirsanaa Maamul goboleedka Jubalan iyo kuwa dawladda Soomaaliya dagaal muddo socday oo la isku adeegsaday hubka noocyadiisa kala duwan ayay marki dambe kooxda Al-Shabaab kula wareegtay gacan ku haynta degmada Ceel Waaq.
Kooxda Al-Shabaab oo watay gaadiid dagaal oo tiro badan iyo ciidan xooggan ayaa dagaalka galabta dhacay magaalada kaga qabsaday ciidamadii Jubaland iyo Soomaaliya eek u sugnaa waxaanay magaalada weerarro kaga soo qaadeen dhawr jiho oo ay ka soo galeen.
Weerarka ay kooxda Al-Shabaab kaga qabsatay maamul goboleedka Jubaland degmada Ceel Waaq ayaa ka dambeeyay ka dib markii Wasiir ka tirsan maamulka Jubaland uu sheegay in ay magaalada Kismaayo ka mustaafurinayaan xaasaska ay qabaan raga ka tirsan Al-Shabaab eek u sugan deegaanada ay ka taliyaan.
Xogsoormedia.com
Xogsoormedia24@gmail.com
Xogsoormedia.com@gmail.com
abafgaab@hotmail.com
Hargeisa Somaliland