Hargeysa(Xogsoormedia.com):- Caasimadda Somaliland ee Hargeysa ayaan lahayn wax biyo mareeno ah oo biyaha Roobka iyo Raxmaadka EEBBE loogu talo galay in ay maraan,marka laga reebo biyo mareeno wakhti hore ah oo gaboobay oo mara qaybo ka mid ah Goljano illaa isguulka Sheekh Bashiir iyo mid kazoo gudba Xarunta Baarlamaanka illaa Maxkamadda,biyo mareenadaas oo wakhti hore la hir galiyay ka sakaw caasimadda Hargeysa mar dambe looma samayn wax biyo mareen ah iyo qorshe loogu talo galay in ay maraan Biyaha Roobku.
Taasina waxay caasimadda Hargeysa ee Somaliland ka dhigtay mid Berkad ah oo mar kasta oo uu ku hooro Raxmaadka ALLE noqota Magaalo ay biyuhu fadhiistaan oo isu bedesha baliyo yar yar oo dhooqo ah.
Iyadoo meel kasta oo Caasimadda Hargeysa ah aad ku arkayso Biyaha fadhiistay ee qashinka ku milmay oo halis ku ah caafimaadka isla markaana saxo xumo ku keeni kara caasimadda iyo dadkeedaba,iyadoo aanay jirin wali wax qorshe ah oo wax lagaga qabanayo arrintan oo laga dareemi karo dhaqdhaqaaqeeda cidda ay shaqadeeda tahay.
Waxaa kale oo roobabkii ugu dambeeyay eek u da,ay caasimadda Hargeysa soo bandhigeen isla markaana bannaanka u soo saareen fadhiidnimada iyo wax-qabad La,aanta Dawladda Hoose ee Hargeysa iyadoo roobabkii labadii maalmood ee ugu dambeeyay Caasimadda Somaliland ee Hargaysa ku horay ay muujiyeen sida aan Caasimdda Hargeysa wadooyinkeeda cidina waxba uga qaban ee ay u yihiin boholo iyo Xorfado wada godad ah oo intaan roobabkui helin ay qarinaysay ciidda buuxisay ee biyihii roobku ay ka qaadeen.
Guud ahaan Caasimadda Hargeysa ayaad dareemaysaa in aanay lahayn jidadkeedu cid dayac tirta ama wax ka qabata waxaanad arkaysaa waddo xumaanta haysata gaadiidka isga gudba gudaha Caasimadda Hargeysa oo intay god ka baydhayaan shil ku gala,wax jiidha ama dad siga.
Iyadoo aynu wada ogsoonahay in waddooyinka gudaha magaalooyinka ay u xil saran yihiin dawladaha hoose ee magaalooyinku isla markaana Caasimadda Hargeysa ay tahay magaalada ugu dhaqaalaha iyo dakhliga badan dawladaha hoose ee dalka oo dhan ayay hadana magaaladu bilaa jidad tahay isla markaana wakhiyada roobabka ay gashaa magaaladu go,doon oo ay kala xanibantaa isu socod la,aantaas oo ay sababeen biyaha roobabka ee waddooyinka fadhiista ama soo saara godadka ciidda cagta dadka iyo gaadiidku buuxiyeen ee biyaha roobku qaadeen.
Meelaha ugu daran gudaha caasimadda Hargeysa xilliyada uu roobku magaalada helo ee dhibta ugu wayni ay ka jirto isla markaana kala gooya isku socodka magaalada waxaa ka mid ah halka ay isugu yimaadaan biyaha laamiga soo raaca ee ka yimaadda dhanka Total iyo biyaha laamiga kaga soo darsama isgosyka looga baydho Isguulka Axmed Dhagax oo fadhiista isla markaan har waeyn ka sameeya dhinaca hawd ee Biriidhka wayn agagaarka Dalxiis Hotel.
Halkaas oo ah goob ay biyuhu fadhiistaan isla markaana noqota balli wayn oo aan la mari karin sababtoo ah waa waddo aan la dayac tiring oo noqotay xorfado hoos u qodan.
Waxaa kale oo iyana ay biyaha roobka ee fadhiistay ay gaadiidka xanibaan oo ay dhibaato ku keenaan isu socodka gaadiidka caasimadda Hargeysa isgoys muhiim u ah isu socodka gaadiidka Caasimadda oo ah isgoyska ay u dhaw istaanka basaska Siinay halka ay ka baxaan iyadoo laagta halkaa martaana u xanibanta xashiishii loo baahnaa in dawladda Hoose ee caasimaddu ay magaalada ka nadiifiso.
Waxaa kale o roobabkii ugu dambeeyay ay soo saareen fadhiidnimada hawladda hoose ee Hargeysa iyoo dhibaatada jidad xumaanta Caasimadda ka jirta.
Waxaa jirtay in sanadkii hore dawladda Hoose ee Caasimadda Hargeysa ay soo bandhigtay gaadiid iyo qalab kala duwan oo ay Dawladda hoose ee Caasimadda Hargeys ka soo iibsatay shirkad dhanka dhismaha ah oo laga leeyahay dalka Itoobiya isla markaana ay sheegeen Masuuliyiinta Dawladda Hoose ee Caasimadda Somaliland in magaaladu ay ka baxayso waddo xumaanta isla markaana cay la tartami doonto Caaismadda Hargeysi dhanka jidadka kuwa caalamka ama ugu yaraan kuwa caasimadaha dalalka jaarka.
2i/10/2015,kii Maayarka Caasimadda Hargeysa oo ka hadlayay qalabka ay soo iibsadeen iyo faa,iidooyinka ugu jira caasimadda Hargeysa ee Somaliland iyo in ay ka baxaysio waddo xumaanta ayaa yidhi.“Waxa farxad weyn noo ah in shirkada Itoobiya ee METEC kala wareegno qalabkii wadooyinka ku dhisi lahayd oo dhamaystiran oo wax ka dhimani aanay jirin, waana markii ugu horeysay ee dalka la keeno qalab caynkan oo kale ah, afar isku rogo, karasharkii, kuwii wadooyinka habaynayey, kuwii isku qasayey iyo qalab faro badan, inta dhimana dhexday ku soo jiraan, waxaan u mahad naqayaa golaha deegaanka oo soo iibinta qalabkan usoo bandhignay oo nagu taageeray iyo saddexdii xildhibaan ee markii heshiishka la galaynay shirkadan nala socday ee ku calool adeegay in qalabkan la wareegno.
Waxa kaleu mahad naqaya gudoomiyaha jaamacadda Admas Cadnaan oo dhex dhexaadinta anaga iyo shirkaddda qayb ka qaatay, marka Shiinaha qalab laga soo iibsado hadii wax ka xumaadaan way ku adag tahay sidaad ku hesho laakin wadanka jaarka ah way ka fiican tahay oo jaarka dhaqaalaha u kala wareega, waxaanay noogu daran tobabaro lagu habayn doono qalabkan, iyo farsamaqaayadii oo tobabari doono shaqaalaha reer Somaliland iyo qalabkii lagu dayac tiri lahaa oo gaadiidka la socda, aad baan u mahad naqaya dadka xidhiidhkaasi ka dambeeyey.”
Maalintii uu hadlkaa jeediyay sanad ka dib caasimadda Hargaysi waa bilaa jidad waxaanay ka waddooyin xun tahay oo ay ka waddo liidataa guud ahaan caasimadaha gobolada kale ee Somaliland isba daa in ay la tartanto dalalka kale e.
Bal dhugo dadwaynaha xaafadda sheikh Cumar ee magaalada Hargeysa oo ka cabaya in aanay lahayn waddo keliya oo xaafadooda iyo magaalada inteeda kale isku xidha isla markaana basaska u baxaa ay maraan dhul beero ah oo dad leeyahay xillga roobkana go,doon ka ah magaalada oo dhan
“Dadka xaafada deganina waa dad intooda badani danyar ah oo aan waxba heynin, sida ay wax ku helaana Ilaahay og yahay, maantana hadii uu roob da,o bas qudha oo u soo baxaya ma jiro saddex kun oo shilinbaana laga qaadaya, calaa qof mana hayaan, maayarka caasimada ayaanu u tagnay waxaanu nagu yidhi waxaan idiin soo diraya cid idiin toonbaleyn garaysa oo wadada idiin saarta, nagamanuu daba iman, ilaa bishi rabadaan ilaa imikana waxba kama heyno”
Hooyo Qadiija Cabdilaahi Yuusuf kana mida dadweynaha degan xaafada Sheekh Cumar ayaa iyaduna waxaa ay baaq dheer u dirtay dawlada dhexe iyo ta hooseba uguna baaqday in si deg dega waddo loogu sameeyo waxaanay tidhi “waxaan leeyahay walaalayaal , waddo xumo iyo silic ayaa na heysta, dawlada Somaliland waxaan leeyahay, wadada marinka noo ah ee gaadiidku noo soo maro, maaha waddo lagu kalsoonaan karo, sidaasi oo ay tahay xukuumada sharafta leh, waxaanu ka codsaneynaa in wadada ay noo sameeyaan waddo aanu maro, oo ay noo naxaan Maayarka magaaladana waxaanu leenahay walaal, nala eeg darxumada aanu ku jiro dadkiinii ayaanu nahaye, go,doon ayaanu ku jirnaa waddo aanu maro ma heysano ma cirka ayaanu maraa”
Maxamad Xaaji Cabaas oo ka mida dirawaliinta basaska xaafada Sheekh Cuma oo isaguna halkaasi ka hadlay ayaa waxaa uu yidhi “wadadan aanu maro maalinba gaadhi ayaa ku dhaca, dhab ahaantiina gaadiidkiina dhibaato ayay wadadani ku heysaa dadkiina dhibaato ayay ku heysaa, in kasta oo meelkasta ay qabyo taalo hadana wadadan dadkan ayaa ku wado la, meeshuna malaha toonbaleyn oo waa beero dhexdeed meesha aanu mareynaa markaa hana loo soo gurmado oo wado hanaloo sameeyo”
Jaamac Cali Warsame oo ka mida macalimiinta xaafada ayaa isaguna waxaa uu hoosta ka xariiqay in wado xumo ay meesha ka jirto “waxaa na heysta wado xumo, waxaanu codsanaynaa in naloo soo diro cagafyo wadadaa noo baneeya, inta la helayo wada caadiya oo gaadiidku maro, habeen walba gaadiidka qaarbaa ku dhaca markasta oo roob da,ana lacagta basku waa ay ku qaali garowdaa dadkuna isku wada jeeb maaha oo qaarba bas raaca uun heysta markaa waa in si dhakhso ah wado naloogu sameeyo oo hoos naloo eego”
Hadaba waxay is waydiintu tahay halkuu ku dambeeyay qalabkii iyo gaadiidkii uu Maayarka caasimadda Hargaysi sanad ka hor ku faanayay ee la soo bandhigay ma isagoo aan shaqoba bilaabin ayuu fadhiistay miyuu wali xaraysan yahay oo waanu shaqo galin mise wadada Ceerigaabo ayuu ku maqan yahay.
Dhamaan su,aalahaa iyo jidad xumaanta caasimadda ka jirtaaba waa su,aal jaaabteedu fadhido Dawladda Hoose ee Hargeysa iyo madaxdeeda.
Xogsoormedia.com
Hargeisa Somaliland