Gaashaamo(Xogsoormedia.com):-Dadweynaha degmada Gaashaamo ee dawlad deegaanka Soomaalida Itoobiya ,ayaa soo dhaweeyay isla markaana taageeray Shir uga furmay Madaxweynaha Dawlad Deegaanka Soomaalida Itoobiya iyo Xukuumaddiisa iyo Ergo balaadhan oo uu hoggaaminayO Suldaanka Guud ee Beelaha Habar Yoonis Suldaan Maxamed Suldaan Xirsi Qani.
Waxaanay dadweynaha degmada Gaashaaamo intaa raaciyeen in ay yihiin dad iyo deegaan ahaanba dad ka soo jeeda kana tirsan dawlad degaanka Soomaalida Itoobiya ee Federaalka Itoobiya waxaanay si cad u sheegeen in ay taageero buuxda siiyeen shirkaa iyo Ergada uu hoggaaminayo Suldaanka Guud ee Beelaha Habaryoonis.
Waxaa kale oo ay ku amaaneen doorka nabayadynta ay ka qaateen waxgaradka iyo Odayassha isku xilqaamay in ay isu soo dhaweeyaan dawlad deegaanka Somalida Itoobiya iyo dadkeeda degmada Gaashaamo xaaladana ay nabad ku soo dabbaalaan,kana hor tegay in dhibaato kale oo nabad gelyada saamaysa in ay ka timaado shaqaaqadii ka dhacday Deegaanka Jaamac Dubbad ee Degmada Gaashaamo.
.
Dadweynaha Reer Gaadhaamo oo khadka Tilifoonka kula xoo xidhiidhay Shabakada Wararka Ee Xogsoormedia.com. ayaa waxaa kale oo ay farriin u direen cid kasta oo isku dayda in ay iska hor keento Dadweynaha Degmada Gaashaamo iyo Dawladooda oo ay u sheegeen in aanay u suura galayn in ay fidmo iyo dhibaato ka dhex ridaan dadka iyo dawladooda.
Dhinaca kale waxay Madaxweynaha dawlad deegaanka Somalida Itoobiya ka codsadeen in uu xal waara oo kama dambays ah ka gaadho dhibaatooyinka deegaanadaa ka dhacay. Waxgaradka iyo odayaasha nabad gelyada u kacay ee ay ku amaaneen kaalinta odaynimo ee ay arrintaa ka qaateen iyo gurmadka ay galeen ayaa kala ahaa.waxaanay kala yihiin waxgaradka iyo odayaasha nabad gelyada degmada iyo ka deegaankaba u kacay.
Ugu Horrayn Khaalid Maxamed Yuusuf oo ka mid ah dadweynaha degmada Gaashaamo ee khadka Tilifoonka kula soo xidhiidhay shabakada Xogsoormedia.com.ayaa hadalkiisa ku bilaabay sidan. “Waxaanu ka mid nahay dadweynaha degmada Gaashaamo ee dawlad deegaanka Somalida Itoobiya waxaanan cafdaynayaa in aanu nahay dad Itoobiyaan ah oo ka tirsan bulshada dawlad deegaanka Soomaalida Itoobiya,waxaa kae oo aan Caddaynayaa in aanu taageersanahay dawladayada iyo Madaxweynahayaga Cabdi Maxamuud Cumar. Waxaa kale oo aanu si buuxda u taagersanahay isla markaana kalsooni buuxda aanu siinaynaa Ergada uu hoggaaminayo Suldaanka Guud ee Beelaha Habar-yoonis Suldaan Maxamed Suldaan XIRSI Qani ee shirka wada hadalku kaga qayb gelaya moobiya magaalada Jigjiga Xarunta Ismaamulka Dawlad Deegaanka Somalida Itoobiya,shirkaas oo uu gogishiisa dhigay Madaxweynaha Dawlad Deegaanka Somalidla Itoobiya Cabdi Maxamuud Cumar waxaanan leenahay waxaanu ku qanacsanahay wax kasto oo shirkaa ka soo baxa waanu taageersanahay waxaanay taladayau ka go,daa Ergada Suldaanka Guud Hoggaaminayo iyo Madaxweynahayagu waxay noo go,aamiyaan.
Waxaa kale oo aan halkan uga mahad celinayaa odayaasha iyo waxgaradka u kalay nabad gelyda deegaanka Gaashaamo ka dib dhibaatadii ka dhacday Jaamac Dubbad eek u soo dabbaalay arrinta nabad gelyada kana hor tegay in dadka degmada Gaashaamo iyo dawladooda in la iska hor keeno. Odayaashaas oo aanu aad ugu amaanayno kaalinta wax ku oolka ah ee ay nabad gelyada ka qaateen iyo sida ay isugu soo dhawweyeen dadweynaha degmada iyo dawladooda. Waxaanay kala yihiin odayaasha nabad gelyda deegaanka Gaashaamo u guntaday
Maxamed Ismaaciil Cali
Fu,aad Maxamed Faarax.
Amed Maxamed Cabdulle Walanwal.
Cabdiraxmaan Maxamed Saleeaan(Sanweyne)
Eng Jaamac Barre Cilmi.
Garaad Maxamed Jaamac Bootaan.
Waxaanan u sheegaynaa cid kasta oo isku dayda in ay iska hor keento dawlad deegaanka Somalida Itoobiya iyo dadkeeda deegaanka Gaashaamo in aanay u suura galayn oo aanu ka hor tegayno wax kasta oo dadka iyo dawladdaba dhibaatu ku ah.”
Waxaa kale oo isna khadka tilifoonka arrintaa kaga hadlay
Oday Abaadir Cigaal Cawad oo ka mid ah waxgarada iyo Waayeelka Degmada Gaashaamo waxaanu si mugleh u taageeray shirka uga furmay Xarunta dawlad deegaanka Somalida Itoobiya Madaxweynaha Kililka SAhanaad iyo Ergada uu hoggaaminayao Suldaanka Guud Ee Beelaha Habaryoonis isagoo Oday Abaadir ugu baaqay Madaxweynaha Kililka Shanaad in uu si kama dambays ah xal waara uga gaadho dhiaatooyin soo noq noqday oo ay ugu dambaysay tii ka dhacday deegaanka Jaamac Dubbad.”
Xogsoormedia.com
Hargeisa Somaliland