Hargeysa(Xogsoormedia.com):- Danjire Xusseen Cali Ducaale(Cawil) oo ah Ergayga gaarka ah ee Madaxweyne Siilaanyo u qaabilsan wada hadalada Somaliland iyo Soomaaliya. isla markaana muddo dheer soo ahaa Wasiirkii Maaliyadda Somaliland ee Xukuumaddii Daahir Rayaale Kaahin ee UDUB.
Md Cawil,ayaa xilligii ahaa Wasiirka Maaliyadda Xukuumaddii Rayaale waxaa uu mar kasta duri jiray hoggaaminta Guddoomiyihii KULMIYE ee Xilligaa oo xisbi mucaarid ah ku ahaa Xukuumaddii UDUB ee Rayaale Madaxweyne Axmed Siilaanyo.
waxaanu marar kala duwan oo u warbaahinta ka hadlay uu ku sheegay in uu yahay nin aan hoggaamin lahayn oo waxba aan wadi karayn isla markaana ah dambiile qaran oo bulshada reer Somaliland dambi qaran ka galay.
mar uu Hargeysa Warbaahinta kula hadlayay 2007,kii ayuu ku sheegay Madaxweyne Siilaanyo in uu yahay ma xishoode aan waxba u tudhanayn iyo dambiilaha koobaad ee ummada reer Somaliland dambiga ka galay.
waxaanu intaa raaciyay in uu ahaa wasiirkii ugu mudada dheeraa ee la soo shaqeeyay Xukuumaddii Siyaad Barre isla markaana markii xilka laga eryay in uu SNM u shaqo tegay waa sida uu Cawil Sheegay.
weerarkii Cawil ee wakhtigaa iyo xilka uu maanta Madaxweyne Siilaanyo u magacaabay ayaa la odhan karaa waxay ku kala aragti duwan yihiin SIyaasadda iyo Hoggaaminta.
Madaxweyne Siilaanyo ayaan dhankiisa wax godob ah ugu qaadin hadaladii weerarka ahaa ee Cawil kaga iman jiray xilligii uu KULMIYE halganka ugu jiray in uu hoggaanka dalka qabto laakiin taa bedelkeeda waxaa uu Madaxweyne Siilaanyo ka dhigay in uu mansab u magacaabo.
hadaba halkan ka daawo Xuseen Cali Ducaale Ergayga wada hadalada Somaliladn iyo Soomaaliya ee Madaxweyne Siilaanyo oo Madaxwynaha dambiile qaran ku asteeyay markii uu ahaa Wasiirka Maaliyadda ee Xukuumaddii Rayaale.
Xogsoormedia.com
Hargeysa Somaliland