Ceerigaabo (Xogsoormedia.com):- Gudoomiyaha golaha wakiilada Somaliland ahna gudoomiyaha xisbiga Mucaaridka ah ee WADDANI Cabdiraxmaan Maxamed Cabdilaahi Cirro iyo wefti uu hoggaaminaayo oo ka tirsan xisbiga WADDANi ayaa saaka kormeer indho indheyn ah waxay ku soo mareen goobaha diwaangalintu ka socoto ee gudaha magaalada Ceerigaabo.
Gudoomiyaha oo goobahaasi mid mid u tegay ayaa guddoomiyeyaasha goobahaasi ka xog wareystay qaabka ay shaqadu ugu socoto iyo in ay jiraan wax cilado ah Iyo in kale waxanay dhamaantood u sheegeen Guddoomiye Cirro in ay shaqadu si wacan ugu socoto isla markaana aanay jirin wax hakad ah oo shaqadooda ku timid .
Cabdiraxmaan Maxamed Cabdilaahi Cirro Guddoomiyaha xisbiga WADDANI ahna Guddoomiyaha golaha Wakiiladda oo meel fagare ah saxaafada kula hadley ayaa ugu horeyn u mahad naqay bulshada gobalka Sanaag gaar ahaan Reer Ceerigaabo oo uu sheegay in ay si wacan isku diiwaan galinayaan .
sidoo kalena waxaa uu guddoomiyuhu u mahad naqay Gudida doorashoyinka Somaliland oo uu sheegay in ay farxad u tahay in ay maantana si nabad ah ay diwaangalintii uga bilaabaan gobalka Sanaag si wacan ilaa hada ay u socoto.
Xogsoormdia.com
Hargeisa Somaliland