Kongo(Xogsoormedia.com) Dad Ku Nafwaayay Banaan Bax Rabshado Wata Oo Looga Soo Horjeedo Kabiila
Joseph Kabil ayaa xilka soo hayey tan iyo dilkii Aabihiis Kabil sanadkii 2001. Sharciga cusub ee dalka Congo ayaa qoraya in Madaxweynaha xilka uu qaban karo labo goor oo kaliya oo min 5 sano ah.
Kabila ayaa wuxuu xilkiisa ku eg yahay Bisha December ee sanadkan, balse horaantii bishan MAY ayuu Maxkamada Sare ee dalkaasi ka dhameystay inuu xilka sii heyn karo si KMG ah hadii aysan doorasho dhicin.
Dhinaca kale doorashadii lagu waday inay dhacdo bisha November ayey xukuumada sheegtay inay dooneyso in dib loo dhigo 2 illaa 4 sano, arrintan ayey mucaaridka ku tilmaameen sharci daro xilka uu ku dheeraysanayo Madaxweynaha.
Balse Dowlada ayaa ku doodeysa inaysan Dhaqaale u hayn doorashada oo ay la tacaalayaan bixinta mushaharka ciidamada, waa siday hadalka u dhigeenee. Marmarsiinyahan ayaa u cuntami waayey mucaaridka.
Banaanbixii shalay ayaa ka dhacay caasimada Kinshasa iyo magaalada Goma waxaana la sheegay in labada mudaharaad ay rabshado ku dhamaadeen. Magaalada Goma banaanbixii ka dhacay ayaa waxaa ku dhintay hal askari iyo qof rayid ah.
Intii badneyd hogaamiyayaashii Mucaaridka dalkaasi ayaa dhowr todobaad kahor dalka isaga baxay.
Hogaamiyaha Mucaaridka ugu weyn ee Moise Katumbi ayaa isagu hada ku nool dalka Koonfur Afrika, halkaasi oo la sheegay inuu arrimo caafimaad u aaday kadib markii dhaawac kasoo gaaray mudaharaad horaantii bishan ka dhacay Kinshasa.
Halkan Ka Daawo Warkaas Oo Faahfaahsan