Burco(Xogsoormedia.com) Xildhibaan Siciid Maxamed Raage Oo ka mida xildhibanada golaha deegaanka ee caasimada Burco, ayaa xalay ay afduubeen dablay hubeysan iyaga oo ka afduubay gudaha magaalada Burco.
Waxaana ay wararku sheegayaan inuu xildhibaankani ka mid ahaa xildhibaanada sida weyn uga soo horjeeday maayirka Magaalada Burco ee xarunta gobolka Togdheer.
Waxaanay wararka qaar sheegay in afduubka ninkan xildhibaanka ah uu ka danbeeyay maayirka magaalada Burco.
Xildhibaanka ayaa laga afduubay xaafada Naq-dhibiijo ee gudaha magaalada Burco, waxaana afduubka ninkan xildhibaanka sidii loo soo badbaadin lahaa ku daba jira kuna hawlan ciidanka booliska ee magaalada Burco.
Waana markii ugu horeysay ee ay dhacdo arin noocan oo kale ahi, amase in gudaha magaalada Burco laga afduubay xildhibaan golaha deegaanka ee Magaalada Burco.
Wixii ware danbe ka soo baxana waxaanu idiinku soo gudbin doona wararkayaga danbe
Xogsoormedia.com
Hargeysa Somaliland