“Maalintii hore ee uu daadku gooyay ayaan si wanaagsan loo samayn oo afka la isku saaray.” Oday Maxamed Cilmi Yuusuf
Hargeysa(Xogsoormedia.com):- Dadwaynaha degmooyinka Maxamuud Haybe iyo Axmed Dhagax ayaa dareen walaac lah ka muujiyay beebka biyaha u tallaabiya degmooyinka Maxamuud Haybe iyo Axmed Dhagax oo markii labaad uu aad gooyay xilli roobaadkan guga ee imika Curtay.
Qaar ka mid ah Dadweynaha labadan degmo oo Wargeyska Dawan uga waramay Beebkii Biyaha gaadhsiinayay ee uu habeen hore gooyay daadkii soo maray Togga Caasimadda Hargys Badhtankeeda Mara oo Beebka ka jaray dhinaca Bari ee Biriishka way nee Hargeysa,ayaa sheegay in ay u arkaan in aan si wayn la iskaga xil saarin Beebka biyaha usoo gudbiya oo laba goor go,ay xilli roobaadkan.
Hooyo Caasha Muuse oo ka mid ah dadweynaha Degmda Maxamuud Haybe oo laba jirikaan oo biyo ah ku wadday Keeriyoon ayaa iyadoo aad uga xun biyo la,aanta kataagan xaafada ay ku nooshahay ee caasimadda Hargeysa ee uu daadku ka jaray Beebkii biyaha u qaadayay waxay tidhi.
“Hooyo waa markii labaad ee intii roobabku inoo curteen uu Beebkii Biyaha u soo tallaabinayay xaafada daad gooyo waxaana jirta hagrasho iyo cagajiid ka muuqda cida ay shaqaeeda tahay dawladda Beeb samayn kari waydayna wax ka wayn kama sugayno,shaqadana waa lakala leeyahay ee waxaan u jeedaa dawladda hoose iyo ninamkii magaalada loo doortay oo aanu xilba ka saarnayn caasimadii meel kasta qashin ayaa yaalla roobabkii ayaa da,aya oo magaaladii biyo ayaa wada fadhiya imikana biyo la,aan ayaa noogu darsantay markaa waxaan leeyahay yaan magaalada lagu halayn dawladda Hoose.”
Dhinaca kale Oday Maxamed Cilmo Yuusuf oo ka tersan waxgaradka degmada Axmed Dhagax ayaa Walaaladda Biyaha Hargeysa iyo dadwaynahaba u soo jeediyay dhaliilo isla markaana Dawladdana ku eedeeyay in aanay ku daba galin shaqada ay Wakaaladu u hayso Caasiamdda oo uu sheegay in ay ahayd in lagula xisaabtamo.
“Horta dadeynuhu eedda qayb ayay ku leeyihiin oo iyadoo uu roobkii ina hayo may ahayn in aynu nidhaahno Beebkii ayaa go,ay oo waanu biyo la,nahay laakiin waxay ahayd in aynu biyaha Majaroorka ee ina dhaaaya in aynu ka faa,iidaysano. Dhinaca kale Wakaaladda Biyuhu laba todobaad ka hor ayay beebka oo uu daad gooyay ay sameeyeen markii ay sameeyeen daadkii gooyay kan xalay(habeen hore)ayaa ugu xigay kiina wuu gooyay taasina waxay ina tusaysaa wax qabad xumaantooda iyo shaqo liidashadooda iyo la xisaabtan la,aanta dhanka dawladda ka jirta oo cidna waan lagu daba galayn xilkii loo dhiibay laakiin waa in lala xisaabtamaa cid kastana shaqada ay hayso, laakiin waxaan soo jeedinaynaa in dawladdu cid ksta shaqada ay u igmatay in ay kula xisaabtanto oo uu qofku ogaado in wax laga waydiinayo xilka uu hayo, bal imika laba todobaad gudahahood ayuu Beebkii biyuhu go,ay maxaa la sameeyay hadii daadkii ugu horreeyay uu gooyay miyaan afka la isku saarin uun.”
Oday Siciil Faarax Dheere oo isna la hadlay Wargeyska Dawan ayaa soo jeediyay in xil la iska saaro sidii beebkaa loo hagaajin lahaa isla markaana aanu dib ugu Go,in waxaanu intaa ku daray in toga oo uu sheegay in buyuhu goob dhxda ah oo kaliya ay ku soo urureen oo ay xawli ku maraan isla markaana ay khatar ku yihiin Biriishka way nee Hargeysa in wax laga qabto.
“Horta imika beebkii biyuhu wuu go,an yahay oo daad ayaa jaray laakiin waa wax la samayn karo waxa kaliya ee ay u baahan tahayna waa in aqoon samayn karta loo diro oo aan la odhan isu keena labadiisa af oo kaliya. Waxaa kale oo lagama maarmaan ah in dooxan soo koobmay ee yaraaday ee bihii daadku inta yare e dhxda ah awoodda ku marayaan in la simo oo uu daadku si balaadhan u maro haddii aan siadaa la yeelin waxaa halis gelaya Biriishka way nee caasimadda oo dubra dhexda ka qodmay markaa yaan la dhayal san biyahan daadka ah ee dhexda toga qotay kuna koobmay.”
Maalmihii u dambeeyay ayay dadwaynaha caasimadda Hargeysa inta biriijka guud martaa waxay aad u hadal hayeen togga Caasimadda Hargeysa mara oo agagaarka Biriijka wayn ka sameeyay laag wayn oo togga badhtankiisa ah oo hoos u go,day isla markaana daadku ku kooban yahay oo uu xawli ku maro iyo tiirarka Biriijka oo kaabada dhexe aad u qodantahay.
Taasoo ay dadwaynuhu ka baqayaan in ay biriijka waxyeelo ka soo gaadho isla markaana ay saamayn ku yeelato isu socodka magaalada.
Xogsoormedia.com
Xogsoormedia.com@gmail.com
abafgaab@hotmail.com
Hargeisa Somaliland