Buuhoodle(Xogsoormedia.com):- Ciidan beedeed la wareegay gacan ku haynta Magaalada Buuhoodle,aayaa sheegay in ay ka tirsan yihiin Dawladda Federaalka Soomaaliya isla markaana aanay ogolayn in ay cidi u dhaxayso Buuhoodle iyo Xukuumadda Xamar.
Cabdi Qani Sulub Jibriil oo ka mid ah saraakiisha hoggaaminayay ciidan beeleedka la wareegay Buuhoodle, oo waraysi kooban khadka tilifoonka ku siiyay Xogsoormedia.com,ayaa meesha ka saaray in ay Somaliland iyo Puntand midna xidhiidh la leeyihiin waxaanu intaa ku daray in ay ka tirsan yihiin ciidanka dawladda Federaalka Soomaaliya isla markaana cid ka sokaysa aanay ka amar qaadanayn.
waxaa kale oo uu sheegay in aanay ogolayn in Cali Khaliif magaalada Buuhoodle dagaal ka rido.
“annagu waxaanu nahay ciidanka gobolka Cayn ee Buuhoodle waxaanan u taaganahay difaaca dadka iyo deegaanka cid kasta oo dhib ka wadana kama ogolaanayno in ay ka gaysato halkan waxyeello.”ayuu yidhi isagoo ka jawaabayay ujeedada ay ula wareegeen Buuhoodle.
mar uu ka jawaabayay su,aal nuxurkeedu ahaa iyagu ciidan ahaan Somaliland,Puntland iyo Soomaaliya ka ay taageersan yihiin ama ay ka tirsan yihiin,ayaa ku jawaabay. “Anagu waxaanu nahay ciidan Soomaaliyeed uu u taagan difaaca Buuhoodle iyo gobolka Cayn wax Somaliland la yidhaahdo iyo wax Puntand la yidhaahdo oo aanu ka tirsanahay ama gacan nagu lihina ma jirto waxaanu ka mid nahay ciidanka dawladda Federaalka Soomaaliya cid annaga iyo calanka Buluugga ah noo dhaxaysaana ma jirto,Puntland waa niman aanu tol nahay walaalo nahay laba deegaan oo jaara nahay kana wada tirsanahay nidaamka Federaalka laakiin wax kale oo intaa dhaafsiisan oo naga dhexeeya ma jirto. Cali Khaliif,na waa sharwade kana ogolaan mayno in uu Buuhoodle dab galiy.”ayuu yidhi sarkaalka ka tirsan Hoggaamiyeyaasha ciidan beeleedka la wareegay gacan ku haynta Buuhoodle oo u warramayay Xogsoormedia.com
dhinaca kale waxaa jira dhaqdhaqaaqyo ciidan oo laga soo sheegayo dhanka Puntland iyo Somaliland oo labaduba doonaya in ay gacan ku haynta Buuhoodle la wareegaan halka la sheegay in Cali Khaliif Galaydh oo magaalada ka baxay in uu isna dhankiisa abaabul dagaal oo ka dhan ah ciidanka magaalada ka saaray in uu ku hawlan yahay.
Xogsoormedia.com
Xogsoormedia.24@gmail.com
Xogsoormedia.com@gmail.com
abafgaab@hotmail.com
Hargeysa Somaliland