Garoowe(Xogsoormedia.com) Madaxweynaha dowladda Federaalka ee Soomaaliya, Mudane Xasan Sheekh Maxamuud, ayaa bogaadiyay dadaalka dheer ee Raysal wasaaraha xukuumada Soomaaliya Mudane Cumar Cabdirashiid Sharma’arke iyo dowladda Puntland u galeen horumarinta danta Soomaaliya.
Madaxweynuhu wuxuu si weyn u soo dhaweeyay ogolaanshiyaha ay dowladda Puntland ku oggolaatey qaabka doorashooyinka 2016 iyo wixii ka dambeeya.
Sidoo kale qabyo-qoraalka heshiiskan waxaa lagaga wada haddlay dadaal dheeriya, oo ay ku jiraan qodobo aad u mihiima oo ay haboon tahay in laga wada hadlo.
Sidoo kale Madaxweynuhu wuxuu u mahad celinayaa dhammaan beesha caalamka , shacabka, isimada, waxgaradka iyo ururrada bulshada dadaalka ay mar walba la garab taagan yihiin Soomaaliya.
Ugu dambeyntii Madaxweynuhu wuxuu ugu baaqayaa guud ahaan ummadda Soomaaliyeed, dal iyo dibadba, iyo beesha caalamka iney u gargaaraan dadka ay saameysay abaaraha ka jira Soomaaliya
Xogsoormedia.com
Hargeysa Somaliland