Gedo(Xogsoormedia.com) Wararka naga soo gaadhaya Gobolka Gedo gaar ahaana, deegaanka Shan Dacar oo qiyaasti 60-KM u jira magaalada Baardheere ayaa ay ku soo dhacday diyaarad nooca aan duuliyaha wadan ah ee loo yaqaano Drone
Waxaanay wararku sheegayaan in diyaaradan ay ku xidhnaayeen Kamarooyin iyo qalab kale oo wax basaasa, gacanta ay ku dhigeen dagaalyahano katirsan Xarakada Al-Shabaab oo ku sugnaa deegaanka ay kusoo dhacday diyaaradani.
Waxaana goob joogayaal deegaankaasi ku sugani ay ku soo waramayaan in ay qaateen diyaaradii iyo qalabkiiba dagaal yahanada Alshabaab, ilaa hadana aan la ogeyn halka ay la aadeen.
ilaa hadana si dhaba looma oga wadanka laga lahaa diyaaradan, ku soo dhacday deegaanka baardheere, ee gobolka Gedo.
Dagaal yahanada Al -shabaaab ayaa hore sidan oo kale gacanta ugu soo dhigay diyaarado noocan oo kale ah, kuna soo dhacay deegaanada ay ka taliyan inta badan mujaahidiinta Al-shabaab.
Xogsoormedia.com
Hargeysa Somaliland