Hargeysa (Xogsoormedia.com) Waxa aan marag u baahneyn in afka soomaaligu yahay mid leh aftahanimo durugsan ilabaxnimo xeeldheer iyo farshaxanimo curineed oo wadata humaag qurxoon taas oo ku siineysa sawir aad ku duusho weerer iyo difaacna aad kaga dhigato hirdanka iyo is riixa ay isku hayaan afyaqaanada umamka ku nooli sidoo kalna kuu noqoneysa gaashaan adag oo kaaga filaada isriixa in ka badan 65oo ka af ee ka jira caro-edeg afafkaas oo midiba ta kale dooneyso in ay ka dheereyso kana mudnaato..intii aan la qorin afka soomaaliga wax uu afkani lahaa sees iyo sal adag oo keydineed sidoo kale wax uu lahaa dhameystir buuxa oo xaga afka ah illaha ugu badan ee lagu keydin jirey afka iyo dhaqanka waxa ka mid ahaa maah-maahyada xujada xigmada jirabka halxidhaalaha sheekooyinka carabjelqinta googaaleysiga iyo guud ahaan suugaanta oo dhan sidaadarteed waxa aad u fududaatey in markii la qorey afka soomaaliga 1972-kii in afku si wanaagsan uu cagaha isugu taago oo uu cuskado tiirarkii dhaqan keydineed ee hore ugu dhisnaa.maadaama uu afka soomaaligu hore ulahaa jirid adag.afyaqaanadii qorey farta soomaaligau waxa ay qateen sumado laatiiniya oo ay ku ladheen dhawaaq carabiya .taas ayaana keentey in ay soo baxdo af qoran oo aynu yeelano.aqoontaasi waxa ay aheyd horumar balaadhan oo soo kordhey ujeedada koobaadna waxa ay aheyd in la helo af aynu leenahey oo qoran sidoo kale wax lagu qori karo waxna la akhriyikaro. Waxa aan qalinka u heystey in aan qoro buuga hada dhamaadey ee magaciisu yahay awooda suugaanta buugaas oo aan wadey mudo seddex sano ah,buugaasi waxa uu badiba ku saabsanaa qiimaha iyo xooga ay leedahey suugaanta soomaalidu iyo dhaqanka dadka reer soomaaliland hasayeesjee waxa kale oo iyana soo baxdey kaalin banaan oo aan wali la daboolin taas oo ah erey bixinta iyo xeerka naxwaha ee afka soomaaligu leeyahay waxaana aan bilaabey 2013 kii bishii 2aad 16keedii bal in aan helo erey ku haboon naxawhada afka soomaaliga maadaama ereyga naxwe uu yahay booli sidoo kalana uu cadow ku yahay isticmaalkiisu jiritaanka luuqada afka soomaaliga baadhis dheer iyo xog ururin badan ka dib waxa aan heley ereygii ugu haboonaa in lagu badalo ereyga naxwe kaas oo ah dhuuxa-afka soomaaliga runtii waxa aynu wada agnahey in dhuuxu yahay subag uu ilaahey ku abuurey lafaha noolaha lafleyda ah kaas oo mihiim u ah lafaha iyo shaqada ay noolaha u yahay sidaa si lamida afka kastaa waxa uu leeyahay dhuux kaas la mida waana naxwaha ama dhuuxa-afkaasi leeyahay kaas oo ah habka ay ereyadu isugu xidhmayaan ama qaab dhismeedka ereyada.
dhuuxa afka soomaaliga. waa halbowlaha ama kama kacdada afka ay umadi leedahay waana habka ay u shaqeynaayo afku meeris ahaan iyo weedh ahaanba hadaanu afku lahey dhuux malaha sees ama sal adag oo lagu faani karo ama.dhuuxa afku waa jirida adag ee keenta in ay luuqadu hano qaado waana salka ama dhidibka afka.umadaha aduunku waxa ay si cilmiya u qoreen dhuuxa afkooda iyo in ay sameeyeen meel asal ahaan laga helo madaama umada reer soomaaliland ay yihii dal soo marey burbur dhaqaale iyo bulsho taas ayey la qabtaa afkuna in uu isna saameeyey dhibkii umada ku dhacey lamana hayo ilaa hada buuq koobsanaya dhuuxa afka ama meel nus danbeeda oo loogu noqdo afkenaba qeybahan buugeena waxa aynu ku keydineynaa dhuuxa afka soomaaliga.cilmi baadhistaa aan mudada wadey waa halkii kowaad kaas oo ah in aan manta helney ereygii ku haboonaa in aan kamaarano ereyga naxwe kaas oo ah dhuuxa afka soomaaliga aqoonyana xaga afka soomaaliga iyo dhaan bulshada waaxaan ka codsanaayaa in ay ka qaataan qeybtooda taas oo ah in ay isticmaalan oo hoosta dhigaan ereygii hore ay ugu isticmaali jireen grammerka ama naxwaha.
sawirkii ayuu ka tagey
Xogsoormedia.com
Hargeysa Somaliland
