Hargeysa(Xogsoormedia.com):-Guddoomiyaha Xisbi Xaakimka Somaliland ee KULMIYE ahna Musharaxa Jagada Madaxweynaha Xisbiga ee doorashooyinka soo socda Muuse Biixi Cabdi oo ay weheliyaan Xoghayaha Guud ee KULMIYE Xasan Siciid Yuusuf iyo saraakiil sar sare oo xisbiga ka tirsan ayaa caawa caways iyo booqasho bukaan eegis ku tegay degmada Axmed Dhagax taasoo ay kaga jawaabayeen soo dhawayntii iyo dhoolatuskii Xildhibaan Kijaandhe oo ka mid ah musharixiintii KULMIYE garabkee qaadacay shirkii golaha dhexe ee Muuse lagu doortay.
Makhaayada Ubax oo ku taala xaafadaas ayuu Guddoomiyaha KULMIYE soo galay isagoo salaamay lana fadhiistay qadar kooban dadkii ku sugnaa, waxaanay is waydaar sadeen hadalo u badnaa kaftan iyo soo dhawayn.
Muuse Biixi Cabdi iyo masuuliyiintii la socday ayaa intaas kadib booqday Cisbitaalka Adna Aadan, halkaas oo ay u kuur galeen xaalada shaqo iyo bukaan jiifka ku sugan. Booqashada Murrashax Muuse Biixi Cabdi ee degaanka beesha Baligubadle iyadoo maalintii shalay siweyn loogu soo dhaweeyay Magaalada Hargaysa Xildhibaan Maxamed Cabdi Kijaandhe oo kamid ah is-baahaysiga Xisbiga KULMIYE kana tirsanaa Murrashaxiintii qaadacay shirweynihii Xisbiga.
Xogsoormedia.com
Xogsoormedia24@.com
Xogsoormedia.com@gmail.com
Hargeisa Somaliland