Cerigaabo (Xogsoormedia.com) Ciidamada amaanka ee gobolka Sanaag ayaa saaka arooryadi hore jeelka u taxaabay wariye Barkhad Maxamuud Geedi, oo ah wariyaha magaalada Ceerigaabo ee xarunta gobolka Sanaag uga soo warama Tv-ga Somali News Tv.
Waxaanay wararku sheegayaan in amarka wariyahan Barkhad Maxamuud Geedi, lagu xidhay ee jeelka loogu taxaabay, uu bixiyay gudoomiyaha gobolka Sanaag Axmed Cabdi Falay.
iyada oo aan ila hada la garanayn sababta keenatay xadhiga wariyahan maada oo aanay jirin wax maxakamada oo xalaalaysay xadhigiisan.
maaha markii ugu horeysay ee sidan oo kale uu maamulka ama badhasaabka gobolka Sanaag ee Magaalada Ceerigaabo, uu bixiyo amaro noocan ah oo lagu soo xidhaayo wariyayaal hawlahooda shaqo gudanaaya oo aan wax danbi qarana gaysan.
dhawaan ayay aheyd markii gudoomiyaha maxakamada sare Somaliland Aadan Xaaji Cali Axmed uu soo saaray sharciga ah inaan wariyaha la xidhi karin ilaa amar maxakamadeed lagu xidho.
wariyahan Barkhad Maxamuud Geedina waxaa uu ka mid yahay wariyayaasha loo xidhay bilaa sababtaa ee uu amarka lagu xidhay uu bixiyay badhasaabka gobolka Sanaag.
Xogsoormedia.com
Xogsoor@gmail.com
Hargeysa Somaliland