Hargeysa(Xogsoormedia.com) Waxa jidadka iyo suuqyada iyo goobaha ay dadku isugu yimaadan ee Magaalada Hargeysa lagu dhajiyay boodhadh iyo istiikaro lagu xardhay sawirada Musharixiinta Madaxweynaha Iyo Madaxweyne ku xigeenka xisbiga Kulmiye.
Musharixiintaa Jidaadka iyo goobaha lagu soo dhajiyay ayaan aheyn qaar isku dheelitiran,waxaana boodhadhkan iyo Istiikaradan kaliya ku sawiran Muuse Biixi Cabdi Iyo Cabdiraxmaan Cabdilaahi Ismaaciil Saylici.
Waxaana meesha ka maqan oo aanay sawiradoodu ku xardhanayn Boodhadhka iyo Istiikarada wadooyinka lagu soo dhajiyay, musharixiintii kale ee Madaxweyne ku xigeenimo ee xisbiga Kulmiye Cabdilqaadir Indho Indho iyo Dr Saleebaan Axmed Ciise (Xaglatoosiye)
Taasina waxa ay cadaynaysa in cida loogu talogalay inay ku soo baxdo shirweynahan golaha dhexe ee xisbiga Kulmiye oo maalinta barito ah hadii Illaahay yidhaaho sitoosa uga qabsoomi doona Hutel Maansoor ee Magaalada Hargeysa ay yihiin uun labadan Musharax ee Jidadka lagu dhajiay sawiradooda.ee Muuse Biixi Cabdi iyo Cabdiraxmaan Cabdilaahi Ismaaciil Saylici.
Waxaanay tani marag madoon ay u tahay in cadaaladii la iska baalmaray oo Musharixiintii ka soo jeeday gobolada bariga Somaliland gaar ahaan Sool, Sanaag Iyo Buuhoodle.layska dhaafay oo hadii Allee xagiisa ay ka soo baxaana la arko hadii kalana layska dhaafo.
Waxaana jira warar suuqa la soo galiyay oo la leeyahay Saleeban Ciise Xaglatoosiye laguma aamini karo wadanka iyo jagada Madaxweyne ku xigeenimo toona.
Sidoo kalena aanu codka la doonayo aanu keeni Karin oo haday cod noqoto musharixiinta galbeedku ay ka codbadin karaan.
Waxaana maalinta barito ah la filaya in uu shirka golaha dhexe ee xisbiga Kulmiye ka qabsoomo, Huteel Maansoor ee Magaalada Hargeysa.
Shirkana lagu dooran doono musharixiinta kala ah Muuse Biixi Cabdi, Cabdiraxmaan Cabdilaahi Ismaaciil (Saylici) Dr: Salleebaan Ciise Axmed (Xaglatoosiye) iyo Cabdilqaadir Indha Indho.
Hadaba sidaaso ay tahay waxa guud ahaanba umada Somaliland u dhagtaagaysa waxa ay noqon doonto natiijada shirku maalinta barito ah.
Wixii warara ee danbee soo baxana waxaa aad kala socon doontaan shabakada wararka ee Xogsoormedia.com
Xogsoormedia.com
Hargeysa Somaliland