Muqdisho(Xogsoormedia.com) Taliyaha Ciidamadda Xoogga dalka Soomaaliyeed Sareeyo guuto Maxamed Aaden Axmed ayaa maanta kormeer howleed ku tagay Xerada Jazeera ee duleedka magaalada Muqdisho, halkaasoo tababarro ay uga socdaan cutubyo ka tirsan Ciidanka Xoogga dalka Soomaaliyeed,
Taliyaha ayaa kormeeray ku soo maray dhamaan qaybaha kala duwan ee xeradan ay ciidamadu tababarka ku qaataan.
isagoo warbixina halkaasi kaga dhageystay Saraakiishi tababarka bixinaysay oo isugu jira Soomaali iyo Ajaaniib.
Taliyaha Ciidamadda Xoogga dalka Soomaaliyeed Sareeyo guuto Maxamed Aaden Axmed oo isagu halkaasi ka hadlay ayaa yidhi “Tababarada aad qaadanaysaan waa qayb muhiim ah oo kamid ah dib-u-habaynta iyo tayayn qorshaysan ee dib loogu dhisayo Ciidanka Qaranka Soomaaliyeed”
Sareeyo guuto Maxamad Aadan ayaa sheegay inay ka go,an tahay inay balaadhiyaan tababarada ciidanka la siinayo waxaanu yidhi “Tababarada ciidamadu wa astaan muujinaysa Dib-u-dhiska Ciidamada Qalabka sida, waxaana naga go’an inaan ballaarino tababarada iyo qalabaynta ciidamadeena si ay u gutaan waajibaadka qaran ee ay u igman yihiin”
Qalinkii: Jamaal Cali Xuseen
Xogsoormedia.com
Hargeysa Somaliland