Sabawanaag: Nin Toogasho Ku Dilay Sadex Qof Oo Baxsaday iyo Hay’addaha Ammaanka Oo Aan Ka Hadal
Sabawanaag(Xogsoormedia.com):- Nin hubaysan,ayaa sadex nin ku dilay tuulada Ina Hindise ee degmada Sabawanaag ee Gobolka Maroodijeex.
ALLE ha u naxariistee waxaa geeriyooday Sadexda Marxuum eek ala ah Ismaaciil Yuusuf Sugule,Dhashiike Cali Cawaale iyo Cawke ka dib markii uu nin hubaysani rasaas ku furay habeen hore muqaaxi lagu cawaynayay tuulada Ina Higle oo ka tirsan degmada Sabawanaag ee gobolka Maroodijeex.Gacan ku dhiiglaha dilka geystay oo lagu magacaabo Food Xirsi Jibaax,ayaan la qaban illaa imikana kamay hadal laamaha ammaanka ee gobolku.
Hay’addaha Amaanka ayaan wali ka hadal dilka habeen hore ka dhacay tuulada Ina Hindise ee degmada Sabawanaag ee gobolka Maroodijeex isla markaana ciidanka booliska ayaan wali gacanta ku soo dhigin gacan ku dhiiglihii dilka sadexda ruux gaystay.
Hargeisa Somaliland