Boorama(Xogsoormedia.com):- ciyaarihii labaad ee is araga koobaad ee ciyaaraha Gobolada Somaliland oo ka socday Magaalooyinka Boorama iyo Burco ayaa galabta lagu kala calaf qaaday laguna kala badiyay.
afarta Xul gobol ee maanta wada ciyaarayay ayaa ku kala ciyaaray Badhan iyo Xaysimo oo ku kulmay Burco iyo Maroodijeex iyo Buuhoodle oo ku wada ciyaaray magaalada Boorama.
afarta kooxoodba waxay soo bandhigeen ciyaar aad u sarraysa oo daawadayaasha qancisay isla markaana muujisay in ay kooxaha gobolada ee wada ciyaarayay khibrad iyo aqoon fiican u leeyihiin Ciyaaraha.
xulka Gobolka Xaysimo,ayaa u awood sheegtay xulka Badhan oo ay kaga badiyeen laba gool iyo waxba iyadoo ay ciyaartuna ay ku dhamaatay 2-0 ay guushu ku raacday Xulka Gobolka Xaysimo oo markii ugu horraysay ka soo qayb galay tartanka ciyaaraha gobolada Somaliland.
dhinaca kale xulka gobolka Maroodijeex,ayaa dirqi kaga badiyay xulka gobolka Buuhoodle oo ay magaalada Boorama ku wada ciyaarayeen. waxaanay ciyaartu ku dhamaatay 3-2 ay guushu ku raacday Xulka gobolka Maroodijeex oo koobka difaacanaya.
Xogsoormedia.com
Xogsoormedia@gomail.com
Hargeisa Somaliland