Hargeysa(Xogsoormedia.com):- Xisbi Xaakimka Somaliland ee KULMIYE ,ayaa markii ugu horraysay ka hadlay gacan ka hadalkii dhex maray Guddoomiyaha iyo ku-xigeenka koobaad ee Golaha Wakiiladda isla markaana sheegay in ay taasi ahayd tallaabo qaldan oo qaranka gef ku ah.
Waxaanu intaa ku daray KULMIYE in labada odayba ay qalad sameeyeen isla markaana eedda ugu wayn uuleeyahay Guddoomiye Cirro.
Waxaa kale oo ay eedeeyeen Xisbiga Mucaaridka ah ee WADDANI oo ay ku sheegeen in ay ku raacsanaayeen guddoomiyahooda gacan ka hadalka uu kaga horreeyay Baashe.
Guddoomiye Muuse Biixi oo maanta ka hadlayay shir jaraa,id oo ay wada jir u qabteen Xukuumadda iyo xisbigeeda KULMIYE, oo uu arrimo badan kaga hadya ayaa mar uu ka hadlayay gacan ka hadalkiika dhacay Golaha Wakiiladda waxaa uu yidhi.”Gacan ka hadalkii dhex maray shir gudoonka golaha wakiilada Somaliland, sharaf dhac iyo foolxumo ayuu ku ahaa qaran ka Somaliland, iyada oo labada odayba canaanta wada leeyihin, hadana somalidu waxay tidhaahdaa, ( hadii qooni timaado qardaro hadhay), sidaa darteed gudoomiyaha (Cirro) hadii uu ku gafay ku xigeen kiisu inuu gacan qaadaa milgihiisa may ahayn, laf jabka ugu wayna waxa uu ahaa markii laga daawaday warbaahinta gudoomiyiihii oo feedh ku garaacaya ku xigeenkiisa. Muuqaal kaasi waxay su’aal galinaysaa, adkaysiga iyo taxamulka uu qofku u yeelan karo culayska siyaasadeed.
Waxaa dareen keeda leh, iyada oo haldoorkii xisbiga Wadani si qayaxan ay ugu taageereen gacan-kahadalkii gudoomiyahooda, waxay taasi tilmaamaysaa in xisbiga wadani isu raacsan yihiin gafka gacan ka hadalka gudoomiyohooda waana arrin khalad ku ah curfiga siyaasadeed ee Somaliland, xisbiga wadani waxaynu waydiinaynaa xilalka qaranka miyaan lagu iman doorasho. Madaxwaynaha, ku xigeenka, xildhibaanada iyo shir gudoon kooduba miyaanu distoorku qeexayn inay ku imanayaan doorasho mise kursiga wadani ku fadhiistaa waa lama taabtaan.”
Xogsoormedia.com
Hargeisa Somaliland