Burco(Xogsoormedia.com):-Madaxweynaha Somaliland Axmed Maxamed Maxamuud Siilaanyo,ayaa booqasho ku tegay Cisbitaalka guud ee magaalada Burco isagoo Madaxweynuhu intii uu ku sugnaa Cisbitaalka Guud ee Burco qof qof ugu tegay bukaank kala duwan ee xaaladaha caafimaad ugu jira Dhakhtarka waxaanu bukaanka uu booqday ALLE uga baryay in uu caafimaad deg deg ah siiyo.
Madaxweynaha iyo Weftigiisa ayaa intii ay ku sugnaayeen Cisbitaalka Guud ee Burco waxaa kale oo uu warbixino ka dhegaystay Maamulka Cisbitaalka guud oo Madaxweynaha uga warramay adeegyada ay bulshada hayaan.
Madaxweyne Siilaanyo ayaa guud bukaanka kala duwan ee yaalla waadhadhka Cisbitaalka la wada kulmay isla markaana ka waraystay xaaladooda caafimaad waxaanu ALLE uga baryay in uu ka dul qaado xanuunada ay u jiifaan oo uu ugu bedelo caafimaad taam ah. Dadka bukaanka ah ee Cisbitaalka guud ee Burco xanuunakada kala duwan u jiifay oo isugu jiray caruur iyo ciroole rag iyo dumar ayaa dhamaantood ka mahad naqay booqashada uu ugu yimi Madaxweynahoogu waxaanay tilmaameen in booqashada Madaxweynaha qaranku ugu yimi in ay niyad ahaan caafimaadkooga kor u qaadayso oo ay niyad ahaan u dawayn doonto.
Madaxweynaha Somaliland ayaa intii uu ku sugnaa Cisbitaalka guud ee Burco waxaa uu ugu deeqay xoolo nool oo loo qalo bukaanka xaaladaha xanuun ee kala duwan u jiifa Cisbitaalka Burco.
Madaxweynaha iyo Weftigiisa ayaa waxaa kale oo ay kormeer ku soo mareen isla shalay galinkii dambe qaar ka mid ah waddooyin magaalada Burco laga sameeyay oo cusub.
Xogsoormedia.com
Hargeysa Somaliland