Madaxweyne Siilaanyo Oo Go,aamkii Maxkamadda Sare Kaga Jawaabay Xilka Qaadis iyo Magacaabis

Hargeysa(Xogsoormedia.com):- Madaxweynaha Somaliland Axmed Maxamed Maxamuud Siilaanyo,ayaa go,aankii Maxkadda Sare ku kala saartay Xukuumadda iyo Xisbiyada Mucaaridka ah ee Xukuumadda lagu faray in ay u ogolaato in   labada Xisbi Mucaarid shiri karaan kagana qaaday xayiraadii Xukuumaddu kaga soo rogtay shir ay hore ugu baaqeen kaga jawaabay xil ka qaadista sadex garsoore oo ka tirsan Maxkamadda Sare ee dalka isla markaana ku magacaabay bedelkooga iyo shan garsoore oo kale oo ka mid noqon doona Maxkamadda Sare taasoo tirada   Maxkamadda Sare ka dhigaysa 11. Xubnood.

Madaxweyene Siilaanyo oo maanta soo   saaray xil ka qaadista iyo magacaabista ayaa digreeto Madaxweyne oo ka soo baxday qasriga Madaxtooya ayaa u dhignayd sidan

WAR-SAXAAFADEED

Madaxweynaha Jamhuuriyada Somaliland, Mudane. Axmed Maxamed Silaanyo

waxa uu digreeto madaxweyne oo summadeedu JSL/M/XERM/249-3438/072015 xilka qaadis iyo magacaabid ku sameeyey Garsooreyaasha maxkamada sare.

Madaxweynuhu:-

Markuu Arkay:                     Qodobka 90aad ee Dastuurka Jamhuuriyadda Somaliland;

Markuu Arkay:                     Qodobka 101aad iyo 105aad ee Dastuurka Jamhuuriyadda Somaliland;

Markuu Tixgeliyey:           Talada iyo soo jeedinta Guddida Cadaaladda;

Markuu Arkay:                     Baahida loo qabo in loo magacaabo Garsooreyaasha Maxkamadda Sare ee Jamhuuriyadda Somaliland;

Markuu Arkay:                     Khibraddooda iyo waayo-aragnimadooda ay u leeyihiin xirfadda Garsoorenimo;

Markuu Isku Qanciyey:     In ay hanan karaan xilka iyo waajibaadka Garsoorenimo;

Wuxuu Go’aansaday

1. In Mudane, Axmed Diiriye Qaalib, uu ahaado Garsoore ka tirsan Maxkamadda Sare ee Jamhuuriyadda Somaliland.
2. In Mudane, Cali-shucayb Sh. Ibrahim Nuur, uu ahaado Garsoore ka tirsan Maxkamadda Sare ee Jamhuuriyadda Somaliland.
3. In Mudane, Maxamed Faarax Siciid, uu ahaado Garsoore ka tirsan Maxkamadda Sare ee Jamhuuriyadda Somaliland.
4. In Mudane, Cabdiraxmaan Xasan Nuur, uu ahaado Garsoore ka tirsan Maxkamadda Sare ee Jamhuuriyadda Somaliland.
5. In Mudane, Cabdillaahi Cabdi Adan, uu ahaado Garsoore ka tirsan Maxkamadda Sare ee Jamhuuriyadda Somaliland.
6. In Mudane, Cabdiraxmaan Jaamac Hayan, uu ahaado Garsoore ka tirsan Maxkamadda Sare ee Jamhuuriyadda Somaliland.
7. In Mudane, Cabdiraxmaan Xuseen Caynaan, uu ahaado Garsoore ka tirsan Maxkamadda Sare ee Jamhuuriyadda Somaliland.
8. In Mudane, Yaxye Cali Idiriis, uu ahaado Garsoore ka tirsan Maxkamadda Sare ee Jamhuuriyadda Somaliland.

Xilka qaadis

Markuu Arkay:                    Qodobka 90aad ee Dastuurka Jamhuuriyadda Somaliland;

Markuu Arkay:                     Qodobka 105aad ee Dastuurka Jamhuuriyadda Somaliland

Markuu Arkay:                     Warbixintii iyo talo soo jeedintii Guddida Cadaaladda;

Markuu Yaqiinsaday:       In loo baahan-yahay isbeddel lagu sameeyo Garsoorka iyo Cadaaladda Dalka;

Wuxuu Go’aansaday laga bilaabo taariikhda maanta

In uu xilkii Garsoorenimo ee Maxkamadda Sare ee Jamhuuriyadda Somaliland ka qaado Mudane, Yaasiin Xasan Ismaaciil.

In uu xilkii Garsoorenimo ee Maxkamadda Sare ee Jamhuuriyadda Somaliland ka qaado Mudane, Axmed Xasan Dirir.

In uu xilkii Garsoorenimo ee Maxkamadda Sare ee Jamhuuriyadda Somaliland ka qaado Mudane, Cabdiraxmaan Madar Caraale.

Xogsoormedia.com

Xogsoormedia.com@qmail.com

abafagaab@hotmail.com

Hargeisa Somaliland