Nairobi (Xogsoormedia.com):- Madaxweynaha dalka Maraykanka Barack Obama ayaa goor dhawayd ka soo degay Garoonka Diyaaradaha Jomo Kenyatta ee Magaalada Nairobi
Obama, ayaa garoonka diyaaradaha waxaa ku soo dhaweeyay Madaxweynaha dalka Kenya Uhuru Kenyatta iyo xubno ka tirsan xukuumadiisa.
Waxaa kale oo soo dhaweynta Madaxweynaha Maraykanka ka qayb qaatay dad weyne tiro badan oo ay hogaamineysay Ayeydiisa kaliya ee ka nool dumarkii uu awoowgii aabbo guursaday isla markaana aabbihii aayo aabbo u ahayd soona korisay Sarah Obama
Barack Obama oo lagu wado inuu Kenya joogo maalmaha soo socdo, ayaa wuxuu 25 iyo 26-ka bishan kaga qeyb gali doonaa Nairobi – Shirka caalamiga ah ee Ganacsiga (GES) Global Entrepreneurship Summit, oo sanadkan markii ugu horeysay ka dhacaayo Bariga Africa.
Waxaa kale oo uu maalinta Axada qudbad u jeedin doonaa dadwaynaha dalka uu asal ahaan ka soo jeedo ee uu aabbihii u dhashay ee Kenya oo uu kula hadli doono. Garoonka Kubada Cagta Kasarani ee magaalada Nairobi.
Xogsoormedia.com
Hargeisa Somaliland